Submitted by सुधाकर.. on 6 August, 2012 - 16:46
वेगळे ना व्हायचे होते मला
स्वत:सच जोखायचे होते मला
गर्दीत ही गेलो नाही मी कधी
एकांतात जगायचे होते मला.
कुणाशी ना बोललो तरी येथे
नसून मी असायचे होते मला.
दु:ख माझे सांगू मी कसे तुला?
वेदनेत हसायचे होते मला.
आजन्म हा तुजसाठी झिजवूनी
मजसाठी उरायचे होते मला.
चुकूनी मी वाट आलो स्मशानी
माणसातच जायचे होते मला.
विषय:
शब्दखुणा:
Groups audience:
Group content visibility:
Public - accessible to all site users
शेअर करा