पापण्यांना सोसवेना रात्रपाळी !

Submitted by सुप्रिया जाधव. on 26 July, 2012 - 10:48

आठवांनो जा निजा, अन या सकाळी...
पापण्यांना सोसवेना रात्रपाळी !

सोबतीने तू तुझ्या घेवून जा ना...
आठवे छळतात ही तीन्ही-त्रिकाळी !

कोरडे ठेवू कसे डोळे असे मी..
रात्र का सरते सख्याविण पावसाळी ?

शोधण्यामध्येच सारा जन्म जातो...
चार दिन नात्यातली टिकते नव्हाळी

'वाकला तो संपला' नसते असेही..
वादळाशी झुंजण्या झुकते डहाळी !

दैव लिहिते काय कोणाच्या कपाळी..
वाहतो तो ओंडका, तगती लव्हाळी !

-सुप्रिया.

विषय: 
काव्यलेखन
Groups audience: 
गुलमोहर - गझल
Group content visibility: 
Public - accessible to all site users
शेअर करा

सुप्रिया, (नाव ओळखीच वाटतय !)
गझल उत्तम झाली आहे आणि म्हणूनच विडंबनाचा मोह आवरता आला नाही. Happy

Submitted by कौतुक शिरोडकर on 31 July, 2012 - 03:14

.

Submitted by रसप on 25 November, 2012 - 23:37

आठवांनो जा निजा, अन या सकाळी...
पापण्यांना सोसवेना रात्रपाळी !

'वाकला तो संपला' नसते असेही..
वादळाशी झुंजण्या झुकते डहाळी !>>>> वाह!!!!

अप्रतिम!!! खुप आवडली.

Submitted by मुग्धमानसी on 26 November, 2012 - 02:49

Pages