Submitted by प्राजु on 25 July, 2012 - 02:36
ऊन्ह श्रावणी नभाचे, अंग ओले सोनसळी
हळदीचा माखलेला, साज ल्याली फ़ूल कळी
आला हिरवा शिरवा, भिजे शहारूनी माती
विरताना धुक्यातूनी, निखळला ओला मोती
ऊन पावसाची प्रिती, छंद श्रावणास जुना
सात रंगात शोधतो, मिलनाच्या खाणाखुणा
सडा प्राजक्ताचा दारी, मोती पोवळ्याची रास
क्षण भंगूर आयुष्य, परी गंधण्याचा ध्यास
अंग वेलीचे ओलेते, निरखून आईन्यात
लाजे नवरीच्या परी, हसे बघून पाण्यात
असे श्रावणाला पिसे, गंधाळल्या ताटव्यांचे
हातावर रंगलेल्या, मेंदीच्या गं आठवांचे
सख्या श्रावणाची ओढ, मन झिंगून झिंगून
तृषा युगांची शमूनी, सुख आले ओथंबून
अशी सोवळी ओलेती, ऊन-पावसाची लेणी
मन माझे बहरुनी, झाले श्रावणी श्रावणी..
-प्राजु
गुलमोहर:
शेअर करा
अहाहा मस्त गं
अहाहा
मस्त गं प्राजु
_/\_
श्रावणचिम्ब कविता!!!
काहीही कर ...हिचं गाणं व्हायलाच पाहिजे बघ !!
क्या बात है......... बहोत ही
क्या बात है.........
बहोत ही बढिया......
अंग वेलीचे ओलेते, निरखून
अंग वेलीचे ओलेते, निरखून आईन्यात
लाजे नवरीच्या परी, हसे बघून पाण्यात>> आईन्यात ऐवजी, दर्पणात योग्य वाटेल.
व्वा ! फ्रेश फील देणारी कविता
व्वा ! फ्रेश फील देणारी कविता .... आवडली.
"असे श्रावणाला पिसे, गंधाळल्या ताटव्यांचे
हातावर रंगलेल्या, मेंदीच्या गं आठवांचे
सख्या श्रावणाची ओढ, मन झिंगून झिंगून
तृषा युगांची शमूनी, सुख आले ओथंबून" >>> या ओळी अधिक आवडल्या.
क्या बात, फार छान फील आहे
क्या बात, फार छान फील आहे कवितेचा
सडा प्राजक्ताचा दारी, मोती पोवळ्याची रास
क्षण भंगूर आयुष्य, परी गंधण्याचा ध्यास>> फारच सुंदर
सुंदरच!
सुंदरच!
अतिसुंदर.........
अतिसुंदर.........
कविता मनातली. सुंदर!
कविता मनातली.
सुंदर! अतिसुंदर!!
अतिशय सुंदर
अतिशय सुंदर
अप्रतिम झाली आहे खुप आवडली
अप्रतिम झाली आहे खुप आवडली
अशी सोवळी ओलेती, ऊन-पावसाची
अशी सोवळी ओलेती, ऊन-पावसाची लेणी
मन माझे बहरुनी, झाले श्रावणी श्रावणी..
खूप दिवसांनी मराठी कवितेला असे श्रावण-लेणे मिळाले, अभिनंदन प्राजु.
सडा प्राजक्ताचा दारी, मोती
सडा प्राजक्ताचा दारी, मोती पोवळ्याची रास
क्षण भंगूर आयुष्य, परी गंधण्याचा ध्यास
अतिशय सुंदर
ऊन पावसाची प्रिती, छंद
ऊन पावसाची प्रिती, छंद श्रावणास जुना
सात रंगात शोधतो, मिलनाच्या खाणाखुणा
सडा प्राजक्ताचा दारी, मोती पोवळ्याची रास
क्षण भंगूर आयुष्य, परी गंधण्याचा ध्यास
असे श्रावणाला पिसे, गंधाळल्या ताटव्यांचे
हातावर रंगलेल्या, मेंदीच्या गं आठवांचे
>>
आहाहा!
प्रचंड आवडली
फार सुंदर... सात रंगात शोधतो,
फार सुंदर...
सात रंगात शोधतो, मिलनाच्या खाणाखुणा
सडा प्राजक्ताचा दारी, मोती पोवळ्याची रास
क्षण भंगूर आयुष्य, परी गंधण्याचा ध्यास
या ओळी जास्त आवडल्या.
सर्वांचे मनापासून आभार!
सर्वांचे मनापासून आभार!
अ प्र ति म ! अ प्र ति म ! ! अ
अ प्र ति म !
अ प्र ति म ! !
अ प्र ति म ! ! !
अ प्र ति म ! ! ! !
अ प्र ति म ! ! ! ! !
छान कविता आहे!
छान कविता आहे!
प्राजू, अप्रतिम कविता !
प्राजू, अप्रतिम कविता ! शब्दगंधसडा !!!
अतिशय सुंदर
अतिशय सुंदर