गझल
स्वप्नांची तुडवीत जंगले, युगे युगे मी चालत आहे!
सत्याचा एखादा रस्ता, अजूनही मी शोधत आहे!!
हर यात्रा होवो हजयात्रा! हीच कामना हृदयी माझ्या;
अशाचसाठी मी पापाचा विचार सुद्धा टाळत आहे!
या गर्दीला कुठे माहिती, एकाकीपण कशास म्हणती?
विरहव्यथेचा वणवा मजला, क्षणाक्षणाला जाळत आहे!
वठलेल्या झाडास विचारा, पानगळीचे दु:ख काय ते;
पूर्वी पाने ढाळत होते, आता अश्रू ढाळत आहे!
कितीक दु:खे आली गेली, नुरली त्यांची कुठे निशाणी;
दु:ख तुझे, पण; अहोरात्र मी हृदयाशी कवटाळत आहे!
हसू चेह-यावर ठेवोनी वाट आसवांना केली मी,
कळू दिले ना कोणालाही, काय काय मी सोसत आहे!
काय हवे नेमके कळेना, इच्छांचे भारे डोक्यावर;
पळभरचे सुख मिळवायाला जो तो नुसता धावत आहे!
रानफुलांची व्यथा समजली बागेमधल्या कळ्याफुलांना;
हरेक व्यक्ती कुंतलामधे फुले कागदी माळत आहे!
-------प्रा.सतीश देवपूरकर
भूशास्त्र व खानिज तेल तंत्रद्न्यान विभाग,
नौरोसजी वाडिया महाविद्यालय, पुणे.
फोन नंबर: ९८२२७८४९६१
<<<स्वप्नांची तुडवीत जंगले,
<<<स्वप्नांची तुडवीत जंगले, युगे युगे मी चालत आहे!
सत्याचा एखादा रस्ता, अजूनही मी शोधत आहे!!
हर यात्रा होवो हजयात्रा! हीच कामना हृदयी माझ्या;
अशाचसाठी मी पापाचा विचार सुद्धा टाळत आहे!>>>
हे शेर आणि
<<कळू दिले ना कोणालाही, काय काय मी सोसत आहे!>>>>
ही ओळ आणि पुन्हा
<<<काय हवे नेमके कळेना, इच्छांचे भारे डोक्यावर;>>>
ही ओळ,
हे सर्व आवडले
====================
चौथा शेर - ओळींची अदलाबदल केल्यास (जमीनच बदलेल हे माहीत आहे) अधिक प्रभावी व्हावा
====================
<<<हसू चेह-यावर ठेवोनी वाट आसवांना केली मी,
कळू दिले ना कोणालाही, काय काय मी सोसत आहे!>>>
पहिल्या ओळीतील 'केली मी' चे 'करतो मी' असे केल्यास 'काळ' समान राहावा
====================
-'बेफिकीर'!
मस्त मतला... सुंदर गझल..
मस्त मतला...
सुंदर गझल..
आवड्ली
आवड्ली
धन्यवाद भूषणराव, आपल्या
धन्यवाद भूषणराव, आपल्या प्रातिसादाबद्दल!
वाट आसवांना करतो मी, असे म्हटले तर, दुसरी ओळ कानाला खटकते का?
शेर असा होतो..........
हसू चेह-यावर ठेवोनी वाट आसवांना करतो मी,
कळू दिले ना कोणालाही, काय काय मी सोसत आहे!
दुस-या ओळीत कळू दिले चालेल का? कळू देत ना असे करायला लागेल का? पण मग जरा कानाला खटकते का?
>.........प्रा.सतीश देवपूरकर
................................................................................................
हसू चेह-यावर ठेवोनी वाट
हसू चेह-यावर ठेवोनी वाट आसवांना करताना
कळू देत नाही कोणाला काय काय मी सोसत आहे
छान गझल..! वठलेल्या झाडास
छान गझल..!
वठलेल्या झाडास विचारा, पानगळीचे दु:ख काय ते;
पूर्वी पाने ढाळत होते, आता अश्रू ढाळत आहे!........ इथे ' होती' असं असायला हवं नां?
बेफिकीरजी! धन्यवाद! दुस-या
बेफिकीरजी! धन्यवाद!
दुस-या ओळीत थोडी लय खटकते का?(कळू देत नाही कोणाला......)
........प्रा.सतीश देवपूरकर
ऑर्फिअस.. (झाड) पूर्वी पाने
ऑर्फिअस..
(झाड) पूर्वी पाने ढाळत होते...........बरोबर!
(झाड) पूर्वी पाने ढाळत होती.........खटकते व्याकरणाच्या दृष्टीने.
इथे ' होती' असं असायला हवं
इथे ' होती' असं असायला हवं नां?<<<
'एक' झाड आहे, 'अनेक' नाहीत
कोणालाही कळवत नाही - असे
कोणालाही कळवत नाही - असे म्हणा!
सुलभतेकडे अधिकाधिक जाता येते हे आपणांस मी काय सांगावे
बाकी...... >>>दुस-या ओळीत
बाकी......
>>>दुस-या ओळीत थोडी लय खटकते का?(कळू देत नाही कोणाला......)
<<<
असे काही होत नाही आहे, नीट वाचता येत आहे ओळ