Submitted by अनघड on 7 July, 2012 - 10:29
ढोंगी, लबाड भाषा त्यांची मला जमेना
आलो इथे कशाला माझे मला कळेना
माझे नि जीवनाचे पटले कधीच नाही
जुळवून रोज घेणे त्याचे मला टळेना
दारु असो कि औषध सारेच भेसळीचे
कसदार, सकस, ताजे आता मला पचेना
नाना प्रकार येथे दिसतात माणसांचे
माणूसकी अता पण कोठे मला दिसेना
शिकतो तुझ्यामुळे मी गझलेस 'मायबोली'
गझलेशिवाय आता काही मला सुचेना
-नाहिद नालबंद
[भ्रमणध्वनी : ९९२१ १०४ ६३०, ईसंपर्क : nahidnalband@gmail.com]
गुलमोहर:
शेअर करा
सुन्दर नाहिदभाई मस्त गझल खूप
सुन्दर नाहिदभाई मस्त गझल खूप आवड्ली
खास्करून मक्ता मस्त आहे
छान
छान
नाहिदजी, अतिशय सुंदर गजल. खूप
नाहिदजी,
अतिशय सुंदर गजल. खूप आवडली. अभिनंदन.
ढोंगी, लबाड भाषा त्यांची मला
ढोंगी, लबाड भाषा त्यांची मला जमेना
आलो इथे कशाला माझे मला कळेना
माझे नि जीवनाचे पटले कधीच नाही>>>
मतला व ओळ आवडले