गोड पावसाचे गाणे

Submitted by पुरंदरे शशांक on 7 July, 2012 - 03:23

गडाड गुडुमसे ढगात होता
म्हातारी दळते दाणे
पावसात भिजताना गाऊ
ये रे ये रे चे गाणे

पाऊस पडता बेडुक गाती
डराँव डराँवचे गाणे
वा-यावरती नाचत येते
थेंबाथेंबांचे गाणे

थेंब टपोरे धावत येती
सरसरसर गाती गाणे
अंगणात मग फेर धरुनी
आम्हीही गातो गाणे

पावसात भिजताना गाऊ
गोड पावसाचे गाणे
हिरवी हिरवी होती शेते
कणसांचे गाती गाणे.......

गुलमोहर: 
बालकविता
शब्दखुणा: 
गोड पावसाचे गाणे
शेअर करा

.

Submitted by पुरंदरे शशांक on 12 July, 2012 - 00:45

गोड गोड पावसाचे गाणे........ Happy

गडाड गुडुमसे ढगात होता
म्हातारी दळते दाणे
यावरुन लहानपणी गायलेल्या बालगितांची आठवण झाली....... Happy

Submitted by योगुली on 12 July, 2012 - 00:53

पाऊस कोसळतो आहे. आणि हे पावसाचे गाणे म्हणत गोल फिरावस वाटत आहे.
मस्त कविता.

Submitted by सुरेखा कुलकर्णी on 17 July, 2012 - 09:04

नेहमी प्रमाणेच आवडल..:)
या गोड पावसाच्या गाण्याच्या गोडीने (ओढीने) तरी पाऊस नक्कीच येऊन त्याचा back log भरुन काढेल.

Submitted by सतिश.. on 18 July, 2012 - 00:14