मायबोलीचे मोबाईल अॅप (अँड्रोईड + आयओएस) सर्वांसाठी उपलब्ध आहे.
Submitted by वैवकु on 6 July, 2012 - 11:47
________________________________________
रोज घेते जन्म माझी रोज मरते काळजी
माझिया गझलेत माझा रंग भरते काळजी
मी कसा जगणार?.... पडतो प्रश्न हा जेंव्हा मला
विठ्ठलाची याद येते आणि हरते काळजी
________________________________________
पैल नसलेल्या तिराचा ऐल ठरते काळजी
काळजा_रे चाल मैलोन्मैल ;... उरते काळजी !
_______________________________________
मी कितीही टाळले जरि बेफिकीर होणे तरी
रोज माझ्या काळजाला घट्ट करते काळजी
मी कडेवर घेतल्यावर कारटी सोकावते
विठ्ठलाच्या कंबरेचा हट्ट धरते काळजी
...................विठ्ठलाच्या कंबरेचा हट्ट धरते काळजी!!
________________________________________
....................
गुलमोहर:
शेअर करा
