गुरुजनहो सलाम

नमन तुला हे श्रीगणेशा
गण नायक तू विघ्नहर्ता तू

नमन तुला हे सरस्वती
विद्या वेद शास्त्राची देवता तू

नमन तुला हे ब्रम्हदेवा
प्रथम सृष्टीचा कर्ता तू

नमन तुला हे श्रीविष्णुदेवा
शरणागतांची मनोकामना पुरवी तू

नमन तुला हे श्रीमहेशा
मस्तकी गंगा कंठी सर्प धारिसी तू

नमन ज्ञात अज्ञात ऋषी मूनींना
नमन तुम्हा समस्त संतांना

नमन करी मी माता पित्याना
संस्कार अन् शिकवण करी मजवरी

नमन माझे सर्व गुरुजनांना
मार्गदर्शन अन् ज्ञान तुम्ही दिले
भजावे अन् स्मरावे समस्त गुरुजनांना
आज ह्या गुरू पौर्णिमेला