जुनी गोष्ट...

Submitted by विदेश on 3 July, 2012 - 08:42

चिमणे चिमणे दार उघड, म्हणत कावळा थांबत होता
बाळाला तीट लावत लावत.. चिमणीचा वेळ जात होता

शेणा-मेणाच्या त्यांच्या घरात पाऊस दंगा करत होता
बाळ मजेत आईच्या कुशीत, रंगीत स्वप्नात शिरत होता !

...पावसाची वाट पहात पहात, चिमणी खूपच थकली आहे
दाराबाहेरच्या कावळ्याने, मान बाजूला टाकली आहे

जुनी गोष्ट..नव्या पिढीतली आई बाळाला सांगत आहे
बाबाचा जीव सिमेंटच्या घरांत वरखाली टांगत आहे !

गुलमोहर: 
कविता
शेअर करा

...पावसाची वाट पहात पहात, चिमणी खूपच थकली आहे
दाराबाहेरच्या कावळ्याने, मान बाजूला टाकली आहे >>>>काय माहिती,मनाला टोचल्यासारख झालं.

Submitted by विभाग्रज on 3 July, 2012 - 09:48