तू पण आणि मी पण...

Submitted by आर.ए.के. on 2 July, 2012 - 05:05

गर्दीतही एकटेपण, आप्तांतही परकेपण,
सापडलेल्या सुखातही, दु:खाचे ते हरवलेपण!
वर्तमानाच्या रस्त्यावरचे, स्वप्नांचे ते फसवे क्षण,
अन भविष्याच्या पटलावरही, भुतकाळाचे साचलेपण!
निरागसतेच्या वाटेवरचे नाजुक मनाचे हळवेपण,
अन सगळे काही समजून सुद्धा, भोळ्या मनाचे वेडेपण!
पडत राहतात प्रश्ने नुसती, सापडत नाहीत उत्तरं पण,
चल उलगडूया आयुष्याचे हे कोडे,
आज तू पण आणि मी पण!

गुलमोहर: