कात

Submitted by वैभव फाटक on 2 July, 2012 - 03:28

लाख दु:खे उंबऱ्याशी ठाकली
त्यात तू पेटी सुखाची झाकली

वादळाला जिंकले तेव्हाच मी
नाव पाण्यातून जेव्हा हाकली

दु:ख की आनंद व्हावा, ऐकुनी ?
"थोरली कन्या नको, द्या धाकली"

भार जेव्हा आठवांचा जाहला
मी नव्याने कात तेव्हा टाकली

वाहिली नाहीत ऐसी रोपटी,
रोपटी जी, वेळ येता वाकली

वैभव फाटक ( २४ जून २०१२)

गुलमोहर: 

सहीच...... Happy

भार जेव्हा आठवांचा जाहला
मी नव्याने कात तेव्हा टाकली

वाहिली नाहीत ऐसी रोपटी,
रोपटी जी, वेळ येता वाकली

हे सुरेख्..........आवडले.......... Happy