एकांतात तुझे गाणे......!

Submitted by सुधाकर.. on 1 July, 2012 - 03:47

एकांतात तुझे गाणें स्फुराया लागले
तुझ्याविना स्वप्नातच मन मुराया लागले.

अबोल्या या मनाची जणु ओळखुन भाषा
झाड-झाड माझ्यासवे बोलाया लागले.

लपविले किती जरी मी डोळ्यातले पाणी
फूल-फूल नजर माझी निरखाया लागले.

आसवांत चमकली शुभ्र तारकांची माळ
चांदणें ही माझ्यासवे हसाया लागले.

एकटाच आलो मी आता एकटेच जाणे
खोल खोल आत हे आता रुजाया लागले.

गुलमोहर: 
मराठी गझल
शब्दखुणा: 
गम
शेअर करा