दे घुमाके !........कसे घुमवले

करा लुटुपुटूचे वार
एकमेकांवर
हा त्याच्यावर
तो तुझ्यावर
तू ह्याच्यावर
कुणालाच नको कळायला
कोणी केले कुणाला कव्हर
एकदा बुडलेली टायटॆनिक
परत आली का कधी तरी वर?
*
संध्याकाळी भेटूया
एकमेकाला म्हणूया
हा तुला म्हणेल
तो त्याला म्हणेल
तू ह्याला म्हण
"अभिनंदन"
"कसे घुमवले मूर्तीना, सर!
एकदा बुडलेली टायटॆनिक
परत आली का कधी तरी वर?"
*
जनतेला बनवू मूर्ख
सोन्याला पितळेचा वर्ख
कसे करील कोणी तर्क
आदर्श दुग्धालयाचे लोणी
आहेच आमच्या तळहातावर
एकदा बुडलेली टायटॆनिक
परत आली का कधी तरी वर?"
***