तो मी नव्हेच

घे हे चार थेंब पाण्याचे
ठेव पापणीवर
गांजलेल्यांना सहानुभूती दाखवताना
उपयोगी पडतील बरं
*
अंगभर फासायला
ही घे भस्माची पुडी
महाराज बनायचं ढोंग करून
भक्तिणीची ओढ साडी
*
हे पकड डझनभर ड्रेस
आणि हे वेगवेगळे ऎड्रेस
अनेकींशी लग्नं कर
हुंडा घेउन साफ कर
*
मी कोण विचारतोस
तुला सल्ला देणारा
गळ्यातला नाग पाहिलास
जटांवर डोलणारा?
*
पाय नको धरूस
मी नाही खरा भगवान
नाग आहे रबराचा
देवपण माझेही थोतांड
*
फसवू सा-या जगाला
मग अत्र्यांचे नाटक आहेच
अंगावर आले तर म्हणू
तो मी नव्हेच!
***