"तो"

Submitted by आर.ए.के. on 12 June, 2012 - 03:10

तो चंद्र आहे वेडा , मी चांदणी नभाची,
त्याला प्रकाशाचे वेड , मला भीती वलयाची !

तो फिरतो नभात , तार कापतो ढगांची,
माझी क्षीणशी भ्रमन्ती , साथ त्याच्या सावलीची!

तो आकाशीचा राजा , सभा त्याची प्रकाशाची,
त्याच्या सभेमध्ये आहे, मला जागा किरणाची!

त्याला क्षितीजाचे वेड , मला तार प्रांगणाची,
त्याची बेधुंद भरारी, माझी चाल कासवाची!

तो आहेच थोडा वेडा , धग सोसतो उराशी,
त्याच्या प्रेमाची ती उब, माझ्या मनाच्या तळाशी!

गुलमोहर: 
कविता
शेअर करा

माय्बोलीवरील सर्व सदस्यान्च्या वतीने आपले इथे हार्दिक स्वागत

...........................
टायपो सुधारा
कविता छान आहे

Submitted by वैवकु on 12 June, 2012 - 04:55