... उंबर्‍याबाहेरचा!

Submitted by आनंदयात्री on 5 June, 2012 - 05:07

मी भले आहे कितीही जवळचा
शेवटी मी उंबर्‍याबाहेरचा!

चालताना वाट मागे सोडतो
सोबतीला गंध नेतो कालचा

शेत माझे! कष्ट माझे! पीक पण -
चोरुनी उपभोगतो शेजारचा

रडत असतो मामुली गोष्टीतही!
छंद हा तर पाळण्यापासूनचा!

नेमका गाफील होतो क्षणभरी
डाव मग निसटून गेला हातचा

- नचिकेत जोशी
(ब्लॉगवर प्रकाशित - http://anandyatra.blogspot.in/2012/06/blog-post.html)

गुलमोहर: 
मराठी गझल
शब्दखुणा: 
आनंदयात्री
उंबर्‍याबाहेरचा
शेअर करा

खूप वेगळी आहे तुमच्या इतर गझलांहून

गझल आवडली

अलामतीमागची / अलामतीची ध्वनीयोजना अशा गझलांमध्ये खास जाणवते

रडत असतो मामुली गोष्टीतही!
छंद हा तर पाळण्यापासूनचा!>> हा शेर मस्त

Submitted by बेफ़िकीर on 5 June, 2012 - 05:11

छान Happy

Submitted by मंदार-जोशी on 5 June, 2012 - 07:41

सहीच नचि. आवडली.

नेमका गाफील होतो क्षणभरी
डाव मग निसटून गेला हातचा >>> फार आवडलं.

Submitted by मीरा.. on 5 June, 2012 - 09:15

<<<रडत असतो मामुली गोष्टीतही!
छंद हा तर पाळण्यापासूनचा!>>>

एकच नंबर Happy आवडली Happy

Submitted by हर्षल_चव्हाण on 6 June, 2012 - 10:23

सर्वांचे आभार!

कविता, पेशल थांक्स!
पण खरं सांगायचं तर काही thoughts असे आहेत, जे मांडायचा जीवापाड, सातत्याने प्रयत्न करतोय... जमत नाहीये... प्रयत्न करत राहायचे.. अभी तो पढाई शुरू की है... Happy

Submitted by आनंदयात्री on 11 June, 2012 - 08:50

रडत असतो मामुली गोष्टीतही!
छंद हा तर पाळण्यापासूनचा!.....सही!

नेमका गाफील होतो क्षणभरी
डाव मग निसटून गेला हातचा.....वा!

सुटसुटीत गझल...आवडली

Submitted by सुप्रिया जाधव. on 11 June, 2012 - 23:24

अरे क्या बात है नचिकेत........
अगदी म्हणजे अगदीच जमलेली.......

Submitted by पुरंदरे शशांक on 13 June, 2012 - 06:14