हेल्दी चिकन अर्थात बिना तेलाची पौष्टिक कोंबडी

Submitted by अवल on 8 May, 2012 - 09:54
प्रत्यक्षात लागणारा वेळ: 
१.५ तास
लागणारे जिन्नस: 

चिकन १/२ किलो
कांदे २
टॉमेटो १ मोठा
हळद, तिखट, मीठ चवीनुसार
लसूण १०-१२ पाकळ्या (मोठा असतील तर ७-८)
आलं १/२ इंच
धणे १ चमचा
बडिशेप १ चमचा
लवंगा ५, मिरे ५
पुदिना अर्धी जुडी
पालक ८- १२ पानं
दही २ चमचे

क्रमवार पाककृती: 

चिकन स्वच्च धुवून मोठ्या भांड्यात ( ज्यात आपल्याला शिजवायचे आहे त्यातच ) ठेवावे.
कांदे बारीक चिरून त्यात घालावेत.
टॉमेटो बारीक चिरून त्यात घालावा.
आता बाकीचे सर्व पदार्थ मिक्सरमध्ये वाटून घावे. ( थोडे जाडसर वाटले तरी छान लागते ) हे वाटण चिकनच्या भांड्यात ओता. चिकन, कांदे, टॉमेटो, मसाला सगळे नीट एकत्र करून २० मिनिटे झाकून ठेवा.
आता झाकणासकट भांडे मंद गॅस वर ठेवा. अधून मधून आवश्यक तर हलवा. अर्ध्या तासात चिकन शिजेल.

वाढणी/प्रमाण: 
खवय्ये असतील तर दोघांनी पुरवुन खावे :)
अधिक टिपा: 

याला फार रस्सा नसल्याने फुलकीशी चांगले लागते.
याच प्रकाराने पुलावाही करता येते. वर सांगितल्या प्रमाणे चिकन अर्धेअधिक शिजले की यात धुवून ठेवलेला तांदूळ टाकावा, तांदळाच्या प्रमाणात मीठ, तिखट, पाणी टाकावे, काजू टाकावेत अन पुलावा शिजू द्यावा. तांदूळ शिजले की अर्धा वाटी दुधात केशर खलून पुलाव्याला भोकं पाडून त्यात हे दूध घालावे. झाकण ठेऊन ५ मिनिटे वाफ काढावी. चिकन पुलावा तयार !

माहितीचा स्रोत: 
माझेच प्रयोग
पाककृती प्रकार: 
शब्दखुणा: 
Group content visibility: 
Public - accessible to all site users

वेगळी वाटते पाककृती. काही प्रश्न आहेत.... कच्या कांद्याचा वास नाही का येत? पाणी अजीबात घालायचे नाही का? तेल नाही, पाणी नाही मग नुसत्या दह्याच्या,टोमॅटो, पालकच्या रसात शिजते का कोंबडी? खाली लागत नाही का?

हायला..हे वेगळंच आहे काहीतरी!
पण झक्कास! करून बघणार आणि वृत्तांत ही देणार!

बादवे, हे रच्याक काय प्रकरण आहे?

अवल,
सरप्राईसिंगली मी असेच चिकन sunday ला केले होते.. टेस्ट छान झाली होती आणि बिन्तेलाचे म्हणून सर्वाना आवडले. फक्त मी कढई ला तेलाचा हात फिरवून घेतला होता आणि कांदे उभे कापले...बिर्याणीला कापतो तसे .थोडे सुके खोबरे ही वाटपात टाकले .
पुलाव करताना तांदूळ नुसते च टाकायचे का? चिकन च्या ग्रेवी मध्ये शिजतात का? नक्कि करुन बघेन

अवल अशा प्रकारे इथे हर्बल चीकन प्रकार मिळतो, दिसायला कायतरीच अस्तो पण चव छान असते, आलं, लसणाने मस्त चव येते :)! आणि अगदी मऊ शिजलेले असते पण तरी हाडापासून वेगळे झालेले नसते बहुधा, किती वेळ शेगडीवर ठेवायचे हे महत्वाचे असावे इथे!