Submitted by मिलिंद महांगडे on 6 May, 2012 - 14:57
http://cdn.gamerant.com/wp-content/uploads/Limbo-Review.jpg
उधाणलेला समुद्र
रोरावता वारा
लाटांचे तांडव चाले
अन प्रतिकूल आसमंत सारा
दिशांचे ढळले तारे
घोंघावती वडवानल रौद्र
उदरी तयास घेण्या
आसुसला हा समुद्र
कडाडली विद्युल्लता
लख्खं प्रकाश चोहीकडे
पाठोपाठ ऐकू येती
नभांचे चौघडे
विरत चालला हा
दिपगृहाचा प्रकाश
अंधारून आले
निळेभोर आकाश
नाव डळमळे
शीडही तुटले
आप्तेष्ट म्हणविती असे
तेही मागे हटले
उरले न काही
ह्या वैराण आयुष्यात
आता मी एकटाच
आता मी एकटाच......
गुलमोहर:
शेअर करा
उरले न काही ह्या वैराण
उरले न काही
ह्या वैराण आयुष्यात
आता मी एकटाच
आर्त कविता
याला जिवन ऐसे नाव.
याला जिवन ऐसे नाव.
धन्यवाद....
धन्यवाद....