नभ दाटून आले

Submitted by अक्षदा on 27 April, 2012 - 01:16

( इथे लिहण्याचा माझा पहिलाच प्रयत्न आहे... सांभाळून घ्यावे )

पावसाच्या धारांनी घेरले
पावसाच्या धारांनी घेरले
भीड माझ्या मनाला
नभ दाटून आले ||

या ओल्या वाटेवरती
गवताची ओली नक्षी
ओल्या या झाडांवरती
ओले नहालेले पक्षी
ओल डोळ्यात माझ्या
नभ ओलावलेले ||

भिजलेली चोळी माझी
भिजलेले माझे अंग
भिजलेल्या मातीसंगे
भिजला साडीचा रंग
चिंब देहात माझ्या
स्वप्न चिंबचिंब ओले ||

सरसर येती जलधारा
अंगास बिलगतो वारा
थेंबा थेंबाने येई
लाजेला नवा शहारा
साद घालू कुणाला
घर दूर राहिलेले ||

गुलमोहर: 
कविता
शेअर करा

चिंब देहात माझ्या
स्वप्न चिंबचिंब ओले >>

व्वा Happy

माफ करा. पण मी जSSSSरा सा बदल करून अशी अष्टाक्षरी जमवली तुमच्या या कवितेतून. आणि मला वाचताना मजा आली. Happy

वर्षाधारांनी घेरले, वर्षाधारांनी घेरले
भीड माझिया मनाला, नभ दाटूनिया आले||

ह्या वाटेवरती ओल्या
गवताची ओली नक्षी
ओल्या या झाडांवरती
ओले नहालेले पक्षी

ओल डोळ्यात माझिया, नभ इथे ओलावले
भीड माझिया मनाला, नभ दाटूनिया आले||

भिजलेली चोळी माझी
भिजलेले माझे अंग
भिजलेल्या मातीसंगे
भिजला साडीचा रंग

चिंब देहात माझिया, स्वप्न चिंबचिंब ओले ||
भीड माझिया मनाला, नभ दाटूनिया आले||

सरसर जलधारा
अंगास बिलगे वारा
थेंबा थेंबानेही येई
लाजेला नवा शहारा

साद घालू मी कुणाला, घर दूर राहिलेले ||
भीड माझिया मनाला, नभ दाटूनिया आले||

Submitted by निंबुडा on 27 April, 2012 - 06:40