मिलन

Submitted by pradyumnasantu on 12 April, 2012 - 13:52

फुलाच्या केशरात
केशरी सांजवात
जाउनिया आत आत
टिपतो मधुजल

पाकळी पाकळी
धुंदीने रसाळली
लालीने पोळली
नजर जाहली गजल

अभिलाषा मोहरली
वेलीवर विहारली
लाजेने शहारली
गालावरची मखमल

फूल तृप्तीने म्हणते
जा आता सदनाते
उद्या पुन्हा ये परते
देईन आणखी मधुजल

सांजवात धुंदीत
गुरफटल्या गंधात
बदलुनी दिशा जात
न्याहाळत फूल फूल

गुलमोहर: 
कविता
शेअर करा