प्रदूषण

Submitted by deepak_pawar on 15 December, 2011 - 09:16

फ़ुललेली ती हिरवी झाडे
सुगंध पेरीत वाहणारे वारे
मोटार गाड्यांच्या धूरातून
हरवून गेले आता सारे

झुळझुळणारी एक नदी
कधी इथेही नांदत होती
आज तिला दृष्ट लागूनी
गटार बनूनी वाह्त होती

भकास झाले डोंगर माथे
भकास दिसती रानमळे
झाडावरती घाव घालता
दूर चालले पावसाळे

विज्ञानाच्या वाटेवरती
एक मात्र कळले आता
घेता घेता शोध सुखाचा
प्रदूषणाच्या आल्या लाटा

गुलमोहर: 
कविता
शब्दखुणा: 
दीपक.पवार
शेअर करा

विज्ञानाने केली म्हणे
निसर्गावर मात
एकदा भुमी कंपली आणि
झाली सर्व वाताहात.

Submitted by विभाग्रज on 15 December, 2011 - 09:29

घेता घेता शोध सुखाचा
प्रदूषणाच्या आल्या लाटा >>> ह्म्म्म्म खरं आहे.

Submitted by UlhasBhide on 15 December, 2011 - 10:11

घेता घेता शोध सुखाचा
प्रदूषणाच्या आल्या लाटा
माणसाचे एका दिशेचे प्रयत्न व दुसर्‍या दिशेचे परिणाम बरोबर व्यक्त होतायत.

Submitted by pradyumnasantu on 15 December, 2011 - 12:12