यम्मी कांदे!!...

Submitted by शांकली on 28 October, 2011 - 21:04

यम्मी कांदे!!...

लागणारा वेळ : १५ मिनिटे.

साहित्य :
१. खिसलेली कैरी : अर्धी वाटी.
२. पांढरे कांदे : तीन ते चार
३. कैरी लोणचे मसाला : अंदाजाने
४. बारीक चिरलेला गूळ : अंदाजाने
५. मीठ : चवीनुसार
६. कच्चे तेल : १ छोटा चमचा. (ऐच्छिक)

कृती : प्रथम कैरीचा खीस, बारीक चिरलेला गूळ, लोणच्याचा मसाला, मीठ हे एकत्र कालवून घ्यावे.
कांद्याला आपण भरल्या वांग्याला जसे काप देतो तसे काप द्यावेत. आणि त्यात वरील
मिश्रण भरावे. एका बोल मधे काढून त्यावर एक छोटा चमचा कच्चे तेल घालावे.
ह्याची चव कांदा-कैरी कोशिंबिरी सारखी (टक्कूसारखी) लागते.
ही विदर्भातली खासीयत आहे. उन्हाळ्यात तिकडे हा प्रकार नेहमी करतात.
माझ्या वैदर्भीय मैत्रीणीने हा प्रकार करून आणला होता. मी यात साखरे ऐवजी गूळ वापरला
आणि तिकडे विदर्भात कांदे बुडतील इतकं तेल घालतात असं ती सांगत होती. पण माझं काही
इतकं तेल घालायचं धाडस झालं नाही. Happy

माहितीचा स्रोत : माझी वैदर्भीय मैत्रीण.

Image1294.jpg

गुलमोहर: 

.

एकदम तोंपासु दिसतंय. जेवायच्या वेळेला हे असले धागे दिसले (आणि घरात कैरी नसली) की फार त्रास होतो Happy

काय भारी दिसतोय फोटो!! तोंडाला शब्दशः पाणी सुटले. Happy

कैरीचा कीस + गूळ + मीठ + लाल तिखट + दाण्याचं जाड कूट हे एकत्र करून पांढर्‍या कांद्यात भरून सह्ही लागतं.

शांकली याची चटणी पण झकास लागते, फक्त आम्ही यात मसाला घालत नाही. तोंपासु आहे मात्र. पण हे प्रचि मध्ये दिसतेय.

मला अगोदर धाग्याचं शीर्षक वाचून वाटलेलं कांद्यात ''यम्मी'' असं काय असणार? पण मस्त वाटतोय हा प्रकार.

मस्त प्रकार.. करायलाही सोप्पाच! Happy

कैरी+कांदा+गुळ्+दाण्याचा कूट+लाल तिखट+मीठ+कोथिंबीर अशी चटणी पण एकदम झक्कास लागते.वरून हिंगाची फोडणी द्यायची!

सही फोटो.

तेल कच्चं न वापरता भरपूर मोहरी-हिंगाची फोडणी करून घालता येते.

लोणच्याला सुटलेलं पाणी दहीभात किंवा मेतकूट्भाताबरोबर खायचं. दुसर्‍या दिवशीपर्यंतदेखिल टिकवायचं नाही. कांदा ताजा आणि करकरीत आहे तोवर छान लागतं.

छान रेसिपी.
साधारण अशीच रेसिपी इथेही आहे.

सायो +१
शांकली, तुम्ही ही 'आहारशास्त्र आणि पाककृती' ग्रूपमधे का हलवत नाही रेसिपी?

'प्रकाशचित्र' वाचून मला वाटलं की कांद्याच्या पिकाचे फोटो असतील. Proud

रेसिपी आणि फोटोही अगदी तोंपासु आहे. कैर्‍या आणल्यास करून बघेन. Happy

मी रेसिपी लिहिली पण त्यात ऑप्शनमधे आहारशास्त्र आणि पाककृती हा ऑप्शनच दिसत नाहीये Sad

या आधीची रेसिपी लिहिली तेव्हा तो ऑप्शन दिसत होता; पण ह्यावेळी तो दिसतच नाहीये.