आभाराचे भार कशाला, सत्कारांचे हार कशाला... - मैत्र जिवांचे सामाजिक संस्था.

**************************************************************************************************
**************************************************************************************************

दि. १० जुलै २०१० रोजी संपन्न झालेला मैत्र जिवांचे या संस्थेच्या उद्घाटनाचा अविस्मरणीय सोहळा संस्थेचे सचिव विशाल कुलकर्णी आपल्यापर्यंत पोहचवतीलच. मी येथे फक्त मदत करणार्‍या मायबोलीकर व इतरांचे आभार मानतो आहे.

उद्घाटनाविषयी माहिती मिळताच एका मायबोलिकराने संपर्क करून आर्थिक मदतीची तयारी दाखविली. तो मायबोलीकर आमचा पहिला दाता... आश्रमातल्या मुलांना मी आधी भेटून आलो होतो. त्यांच्याकडे बरीच खेळाणी होती बाकी वस्तूही होत्या पण सायकल नव्हती म्हणून आम्ही या मायबोलीकराला आम्हाला पैसे देण्याऐवजी या मुलांसाठी सायकल देण्याची विनंती केली. त्यानी ती मान्य केली. २८०० रुपयांची सायकल त्यानी स्वतः खरेदी करून चनस उर्फ अर्चना मजले (कार्यकारी मंडाळाच्या सदस्या) यांच्याकडे दिली.

पहिली सवारी.... (भेट देण्यापुर्वी)

भेट मिळताच कार्यक्रम सुरू आहे हे विसरून पडलेल्या उड्या...

हा दंगा बघताच. आपण वादाचे पिल्लू घेऊन आळो की काय असे वाटले पण मुले समजुतदार आहेत. आणि चनसच्या आईनी दुसरी सायकल घेऊन देणार असल्याचे सांगितल्याने काळजी कमी झाली.

मुलांच्या आनंदाचे कारण बनलेल्या त्या मायबोलिकराचे मनापासून आभार. (तू संस्थेचा पहिला दाता आहेस. नाव सांगायची परवानगी द्यावी ही विनंती मित्रा)

आर्या यांच्यावर इतर वस्तू व खाद्यपदार्थ खरेदीची जबाबदारी होती त्याना मदतीची गरज आहे हे कळताच सुशांत मगर गाडी घेऊन मदतीला आले. ते उद्घाटनाला येणार असे त्यानी आधिच सांगितले होते पण काही कारणांनी ते येऊ शकले नाहीत. वेळोवेळी फोन करून कार्यक्रमाला सदिच्छा व मार्गदर्शन केल्याबद्दल त्यांचे आभार!

उद्घाटनानंतर सगळ्या मुलांना घेऊन सगळ्यांनीच पानशेतला जायचे ठरले होते आणि एवढी मुले आणि आम्ही सगळे म्हणजे गाडीचा प्रश्न होताच. भुंगा, डॉक्टर आणि विट्यावरून आलेले मार्गदर्शक श्री दत्ता गायकवाड यांच्या गाड्या होत्या पण लोक जास्त असल्याने अडचण येत होती. माझी दुचाकी प्रगो आणि सौ. प्रगो ला दिल्याने थोडी संख्या घटली पण तरीही दाटिवाटीच होत होती. ही अडचण समजताच श्री उमेश कोठीकर यांनी आपली गाडी आणि ड्रायव्हर मुलांच्या दिमतीला पाठवून दिले. संस्थेचा बराचसा खर्च वाचला आणि मुलांना आरामात प्रवास करता आला. त्यांचे विषेश आभार!

श्री. भुषण कटककर स्वतः येऊ शकले नाहीत पण त्यानी आर्थिक हातभार लाऊन या सोहळ्याला मदत दिली त्याबद्दल त्यांचे आभार!

चनसचे आई-बाबा आणि भाऊ या कार्यक्रमासाठी पुर्णवेळ उपस्थित राहिले. जाणकार, अनुभवी लोक सोबत असल्याने आम्हाला फार मोठा आधार मिळाला त्यांचे आभार!

डॉक्टरांच्या सौ. आणि त्यांची मुलगी दोघिंचे कार्यक्रमाची शोभा वाढविल्याबद्दल आभार!

आर्याचा मुलगाही या मुलांसोबत राहून त्याना मदत करत होता. त्यांच्याशी खेळत होता. या कार्यक्रमाला उपस्थित राहिल्याबद्दल त्याचेही आभार!

दत्तात्रय गायकवाड (प्रशासकीय अधिकारी, बीएड कॉलेज विटा, सांगली) कार्यक्रमाला उपस्थित राहिल्याबद्दल त्यांचे व सोबत आलेल्या त्यांच्या विध्यार्थ्यांचे आभार!

प्रसाद गोडबोलेंच्या सौ. कार्यक्रमाला आल्याबद्दल त्यांचेही आभार!

आमच्या सौ., मुलगा व बाबांचेही कार्यक्रमाला आल्याबद्दल आभार!

फोन करून, एसेमेस करून सदिच्छा देणार्‍या सर्व मायबोलिकरांचेही आभार!
बाकी आम्ही सगळे...
भुंगा, डॉक्टर, प्रसाद (मुंबईहून) विजयराव (नाशिकहून) विशाल, आर्या, चनस आणि मी (पुणे) उपस्थित होतोच. आभार नाही पण धन्यवाद! विशालरावांची भलतीच धावपळ झाली त्यांना एक एक्स्ट्रा धन्यवाद!

आणि, हा सोहळा खर्‍या अर्थाने संस्मरणीय केल्याबद्दल स्पर्श बालग्राम परिवाराचे मनापासून आभार!!!

असाच लोभ असुद्यावा!!!!

- हबा
अध्यक्ष
मैत्र जिवांचे सामाजिक संस्था
*****************************************************************************************************