ई मेजवानी

Submitted by दिनेश. on 18 May, 2011 - 15:30

कुणाला कशाचे तर कुणाला कशाचे. मला खाद्यपदार्थांचे, तेही खास करुन स्वतः केलेल्या पदार्थांचे फोटो काढायची हौस आहे.

नेहमीच्या या कामाला मी छंदाचे रुप दिलेय. प्रत्येक पदार्थ दिसायला कसा सुंदर दिसेल. त्याची रंगसंगती कशी आकर्षक दिसेल, असा विचार करत असतो. माझ्यासाठी ती नवनिर्मितीच असते.

पुर्वी मायबोलीवर लिंक देणे मला जमत नसे. त्यामुळे यातले काही फोटो पुर्वी टाकले असतील, तरी ते छोट्या आकारात होते. आता सावलीने शिकवल्यानंतर मला लिंक देणे जमू लागले आहे.
मी ज्या पाककृति लिहितो, त्यासोबत फोटो द्यायचा प्रयत्न करतोच, पण इथे बाकिची मंडळी ज्या पाककृति लिहितात, त्या पण करुन बघायचा प्रयत्न करत असतो. शिवाय यातल्या काही प्रकाशचित्रांशी, काही मायबोलीकरांच्या आठवणी निगडीत आहेत. त्यापण लिहितोच.

तर पानं मांडलीत, या जेवायला.... सावकाश होऊ द्या.

अश्विनीला एकदा पनीरच्या प्रकाराबद्दल लिहिले होते. तर हे पनीर चिली तिच्यासाठी. तसे अरुंधतीला पण पनीर आवडते, ते माहीत आहे.

उपास आहे का कुणाचा ? हे फक्त बटाट्याचे थालिपिठ.

जांभळा कोबी, केशरी गाजरे, हिरवी मिरची आणि पांढरा पास्ता. एक चित्र !

लेकीसाठी केलेला फ्राय लेमन फिश !

आमच्या कडे मिळणारे खास बीन्स. इथे त्याला कोको बीन्स म्हणतात. दिसायला सुंदर आणि चवीलाही छान

आणि हि त्याची भाजी

मिनोतीच्या पॅनकेक वरुन प्रेरणा घेऊन --

शेपू फॅन क्लबची आठवण काढत.

वर्षूचा रवा डोसा..

केनयाचे मूग, केनयाचेच घट्ट दही आणि केनयाचाच चिवडा (इथे त्याला चेवडो म्हणतात ) वापरुन केलेले चाट

साधा वरणभात आणि दह्यातल्या मिरच्या .

केळ्याच्या पानातली गोडाची पानगी

कांदा बटाटा आणि घेवडा बेक. हा पदार्थ मंगला बर्वेंच्या अन्नपुर्णा पुस्तकातला.

तयार कचोरी वापरुन केलेली कोफ्ता करी.

मायबोलीकर कुल (सुभाष) आणि मी, आम्ही दोघांनी नगरच्या रस्त्यावर हा हुरडा खाल्ला होता. आता मानुषी, चंपक, चंपी सोबत खाईन म्हणतो.

कॉर्न आणि ब्रोकोली बेक

साबुदाण्याचे थालिपीठ

माझी आवडती फणसाची भाजी

गोव्यातील खास अनसाफनसाची भाजी (टीमगोवासाठी )

खास वर्षूसाठी
व्हेजीटेबल स्टर फ्राय

छोट्या छोट्या ईडल्या करायचा कंटाळा आल्यावर, त्यच पिठात भाज्या वगैरे घालून केलेली तवा ईडली

जागू आणि साधनाला ला विसरुन कसे चालेल ? गोव्याच्या बांबोलिम बीचवर मित्रमैत्रिणींना खिलवलेले फ्राय फिश.

गुजराथी हांडवो

खाऊन दमला असाल तर चहा घ्या !!

साबुदाण्याची खिचडी

या फोटोबाबत अगदी खास आठवणी आहेत. गिरिराज उभयताचे केळवण आम्ही केले होते. आरतीच्या घरी (इट्स्मी ) त्यावेळी सई (दक्षिणाची ताई ), क्षिप्रा, रुपाली (त्यावेळची सोनचाफा) आणि जी एस होते. पुरणपोळी, करंजी, गुलाबजाम असा जंगी बेत होता.

माझ्या भटक्या मित्रांना विसरुन कसे चालेल. दोन्ही योगेश, रोहन, रोहीत, इंद्रा, आशू आदी मंडळींसाठी. गोरखगडाच्या पायथ्याशी मिळालेली थाळी. (या लेखातला हा एकमेव फोटो, ज्यातले पदार्थ मी रांधलेले नाहीत.)

हा आहे वांगीभात आणि पपईचे सलाद.

हे मामीचे. आलू चलाके

गोव्याच्या पद्धतीचे आंबाड्याचे रायते

ही अवलची गवार ढोकळी (मजहे व्हर्जन )

जागू आणि बागुलबुवा यांच्यासाठी हा मासा !

मला माहीत आहे, काही मित्रमैत्रिणी राहून गेल्यात. त्यांची आवडनिवड कळवली, तर त्यांनाही ई मेजवानी देईनच.

सावकाश होऊ द्या.

गुलमोहर: 

कसले सहि आहेत सगले फोटो... मस्तच...

दिनेशदा या सगळ्य पदार्थांची रेसीपी लिहा ना... मस्त वाटतायत बघुन... Happy

च्यायला.......लै भूक लागली राव्.....मस्स्त्.....तेवढं ते दह्यातल्या मिरच्या कशा करायच्या ती क्रूती सान्गा बरं........

अगदि नेत्रसुखद मेजवानी... मस्त मस्त मस्त.
प्लिजच अनसाफनसाची , व्हेज स्टरफ्रायची रेसीपी सांगा.

आणि कॉर्न आणि ब्रोकोली बेक,कोफ्ता करी, पनीर चिली सगल्यांची रेसीपी सांगा.
(तोंदाला पानी सुतलय..... :))

दिनेशदा बहुतेक पदार्थ मंगळवारी माझ्या नजरेस पडतात. मला त्या दिवशी उपवास असतो. ते पदार्थ पाहून इतके खावेसे वाटतात कि उपवास मोडल्याचं पाप लागतं. आज साबुदाण्याच थालिपिठ पाहून असं वाटल की आज मंगळवार असता तर फार बरं झालं असतं. पाहून पोट भरलं असतं. कारण मला साबुदाण्याच थालिपिठ फार आवडत. सगळेच पदार्थ फोटो नेहमीसारखेच सुन्दर.

अहाहा, इथे आजच लक्ष गेले..... काय तोंपासु प्रकार आहेत...... दिनेशदा u r simply gr8 >>> +१००००....

अरे हे सगळं आहे नेत्रसुखद.... पण प्रत्यक्ष तोंडात केव्हा जाणार ???

अरे हे पाहिलेच नव्हते

दिनेशदा अशा डिशेश दाखवून आमचा छळ चालवला आहे. तोंपासु मुळे घशाला कोरड पडली आहे. याची तक्रार करायला हवी...

पण भारीच आहे हे. ते बटाट्याचे थाली पीठ कसे केले.
फणसाची भाजी मस्तच
आणि पपईचा मासातर ग्रेट

सुधीर

दिनेशदा मी खाणार्‍यातली न्व्हे तरी माझ्या तों.पा सु. तर खवय्यांची काय गत.आंबाड्याच रायत खुप दिवसानी पाहिल.
गोडाचे पानगे कसे केले?

तांदळाच्या पिठात साखर, दूध, तूप घालून सैलसर भिजवायचे. मग केळीच्या पानाचे दोन तूकडे घेऊन एकावर ते पसरायचे व त्यावर दूसरा तुकडा झाकायचा. मग हे गरम तव्यावर ठेवायचे. थोड्या थोड्या वेळाने परतायचे. शिजले कि पानापासून सुटून येते.

------------/\--------------------
दिनेशदा धन्य !!
मत्स्यविशेष पाहून विशेष घायाळ झाले ;))

Pages