तुझ्या माझ्या ...

Submitted by vaiddya on 15 May, 2011 - 01:04

तुझ्या माझ्या डोक्यावर
आपापलं हे
वेगळं होत गेलेलं
आकाश ..
अजूनही चमकतात त्यावर
आठवणींच्या प्रकाशाचे तारे !

तुझ्या माझ्या
विलग विलग
क्षितिजांवर
अजूनही उगवतात
जुनेच चंद्र !

तुझ्या माझ्या
वेगवेगळ्या दुनियांचे
अजूनही स्पर्श एकमेकांना
जेव्हा वाहातात
जुन्या संदर्भांचे वारे !

गुलमोहर: 
कविता
शेअर करा

आवडली.
शान्ताबाईंची 'या आभाळाचे काही नाते असेल का त्या आभाळाशी?
दोन्ही आभाळे भेटत असतील कधी कोणत्या खुणेपाशी?' अशी एक कविता मला सतत आठवत राहते. आज पुन्हा तुमच्या कवितेमुळे आठवली.

Submitted by भरत. on 15 May, 2011 - 01:10