कशी पुर्ण करू मी कविता

अशीच एकदा बसले होते
विचार मनी आला असा
काय करू मी नुसते बसून
लेखन करू की लिहू कविता ?

ईंग्रजी कविता घासून-पुसून
बनवली आयुष्यावर एक कथा
पुढचे काही सुचलेच नाही
काय उपयोगाच्या त्या केलेल्या प्रथा

बाबा म्हणतात मोठी कवयित्री
बनायचे तुला असेल जर
दिलेल्या वेळात कविता तुझी
जिद्दीने तु पुर्ण कर

आई म्हणते नुसते आता
यमक जुळवायचा प्रयत्न कर
बाबा म्हणतात - करे पर्यंत
कविता पुर्ण झाली नाही तर ?

आई-बाबा दोघे आता
कवितेचाच विचार करतात
शब्द कुणाला कळले नाही
तर उलटून नेहमी माझ्यावर हसतात

- मॄण्मयी शैलेंद्र साठे