खेळ अनोळखी

Submitted by अवल on 1 May, 2011 - 11:26

ते स्वप्न म्हणू की
सत्यची घडले सारे ?
तीज कविता म्हणू की
होते त्याचे भाव खरे ?

किणकिणल्या सार्‍या
त्या होत्या का तारा ?
की हृदयची माझे
झंकारियले होते ?

हळुहळुच येउनी
शीळ घालूनी गेला तो वारा
कि निश्वासच त्याचा
मज कुरवाळुनि गेला ?

क्षण कुणी असा हा
गंधीत करुनि गेला ?
हा धुंद मारवा
कि या पाऊसधारा ?

कि तोच तो हा
मज आजवरी जो
खेळ अनोळखी
प्रितीचा हा सारा ?

गुलमोहर: 
कविता
शेअर करा

वा!!

भावना मस्त आहेत...
लिहीत रहा...

(लयीत अजून थोडी सफाई अपेक्षित आहे.. पण ते होईल हळूहळू... भावना महत्वाच्या Happy )

Submitted by चैतन्य दीक्षित on 2 May, 2011 - 00:33

हृ / र्‍हु हा एकच शब्द जो मायबोलीवर नीट/ मनासारखा लिहिता येत नाही.
धन्स आनंदयात्री, बदल केलाय....

Submitted by अवल on 2 May, 2011 - 00:50