राहिले दूर, सख्या घर राहिले दूर ...!

Submitted by चैतन्य दीक्षित on 22 April, 2011 - 00:03

राहिले दूर, सख्या घर राहिले दूर ।
काळ हा रे लोटला, ठेवून आठवधूर ॥ ध्रु॥

कोणत्या वाटे निघालो? नाकळे आता,
संगती एकांत आणी विरहिणीचे सूर ॥१॥

अस्पष्टसा अन तो उद्याचा चेहरा दिसतो
काळजाला बुडविती रे काळज्यांचे पूर ॥२॥

शोधणे स्वतःस आता कठिणसे वाटे ,
दाटली गर्दीच सारी भोवती रे क्रूर ॥३॥

दोन घटका शांततेला सवडही नाही,
पाठलागाने सुखाच्या, लाभते हुरहूर ॥४॥

- चैतन्य दीक्षित.

गुलमोहर: 
कविता
शब्दखुणा: 
राहिले दूर
सख्या घर राहिले दूर
शेअर करा

वा मस्त ! आवदली
>>>शोधणे स्वतःस आता कठिणसे वाटे ,
दाटली गर्दीच सारी भोवती रे क्रूर <<< कित्ती खरे Sad
>>>आठवधूर <<< वा मस्त शब्द Happy

Submitted by अवल on 22 April, 2011 - 00:46

आरती, मंदार, आर्या- प्रतिसादाबद्दल मनापासून धन्यवाद !

Submitted by चैतन्य दीक्षित on 24 April, 2011 - 06:28

<<अस्पष्टसा अन तो उद्याचा चेहरा दिसतो
काळजाला बुडविती रे काळज्यांचे पूर>>
मस्त.....
<<दोन घटका शांततेला सवडही नाही,
पाठलागाने सुखाच्या, लाभते हुरहूर>>
सुंदर........

Submitted by निशदे on 27 April, 2011 - 13:10