तुम्ही चहा कसा करता?????

पाच चप पाणी + पाच चमचे चहा पावडर + दहा चमचे साखर + त्या प्रमाणात दूध
हे सगळे एकत्र शेगडीवर (खाली गॅस सुरू करून) ठेवतो.
उकळलं की ढोसायला देतो.

जुन्या मायबोलीतली ही लिंक - http://www.maayboli.com/hitguj/messages/103383/158.html?1216171765

अर्काईव्हजसकट वाचा, काही प्रतिसाद मजेशीर आहेत.

भुंग्या, तुझं भाग्य फळफळलं रे

माझी पद्धत अत्यंत अनोखी.
आमच्याकडे उत्तम प्रतिचा इंस्टंट चहा मिळतो. त्यामूळे कपात दोन चमचे लो फॅट मिल्क पावडर, एक चमचा इंस्टंट चहाची पावडर, एक गोळी शुगरफ्री घेऊन त्यात उकळते पाणी वरुन ओतायचे आणि ढवळायचे. बस झाला चहा तयार.
मग रात्री टेरेसवर जाऊन, चांदण्याची मजा घेत चहा प्यायचा.

आता मामीला फोन करू तिच्याकडून बिस्किटे मागवणे..... >>> भुंग्या काय बिस्किटांचं दुकान टाकलय का मी?

पाच चप पाणी + पाच चमचे चहा पावडर + दहा चमचे साखर + त्या प्रमाणात दूध
हे सगळे एकत्र शेगडीवर (खाली गॅस सुरू करून) ठेवतो.
उकळलं की ढोसायला देतो. >>> पाच कप चहाला पाच कप पाणी... मला चुकुनही कधी चहाला बोलवु नको

यांना विचारून सांगते ... हेच करतात चहा.

पाच कप चहासाठी अडीच कप पाणी+ अडीच कप दुध + १० चमचे साखर + ५ चमचे चहा पावडर + १/२ सेंटीमीटर आलं (ठेचुन) एका पातेल्यात साधारण ५ मिनीट उकळुन घेतल्यावर जर चहा कमी पडेल असं वाटलं तर अजुन पाव कप दुध टाकुन १-२ उकळ्या आल्यावर गाळुन घेणे...ही माझी साधी सोपी सुटसुटीत पद्धत.. पण मला स्वतःला मी केलेला चहा आवडत नाही, आईने केलेलाच आवडतो

५ जणांच्या चहासाठी साधारण ४ ते साडेचार फूल कप पाणी घेणे. ते उकळत ठेवणे त्यामधे आलं ठेचून घालणे. तीन चमचे चहा पावडर घालून उकळी फुटू देणे आणि त्यात चहाला हवा तो लालसर रंग येईपर्यंत दूध घालणे. चहा गाळून सर्वांना देणे... देताना सोबत साखर किंवा शुगर फ्रि चमच्यासह देणे

हि झाली आतची पद्धत, नाहीतर जुन्या पद्धती प्रमाणे

चहा पावडर आणि त्यात ५ चमचे साखर पहिल्या उकळीनंतर घालणे. आणि त्यात चहाला हवा तो लालसर रंग येईपर्यंत दूध घालणे. चहा गाळून सर्वांना देणे

"तुम्ही चहा कसा करता???" भुंग्या, अगदी हाच प्रश्न मला एका फायनल Interview ला विचारला होता. क्षणभर मी जरा गोंधळलो, (मनात विचार केला कि आयटी मध्ये काम करायचे आहे कि चहाच्या टपरीवर :फिदी:) त्यांच्याकडुन ५ मिनिटांचा वेळ मागुन घेतला. थोडा वेळ विचार केल्यानंतर जाणवले कि हा प्रोजेक्ट रीलेटेड प्रश्न आहे. चहा म्हणजे एक प्रोजेक्ट आणि तो मी कसा हाताळु शकतो हेच त्या प्रश्नांतुन त्यांना जाणुन घ्यायचे होते.

माझे उत्तर होते कि, चहा करण्याआधी त्याची पूर्वतयारी करतो (Project Analysis), तो किती जणांना द्यायचा आहे ते जाणुन घेतो (Resource Management) इ. इ. (अर्थात तो Interview मी पास झालो हे सांगणे न लागे. :फिदी:)

विषयांतराबद्दल क्षमस्व, पण कधीही "तुम्ही चहा कसा करता???"हा प्रश्न आला कि हेच आठवतं. शिर्षक पाहिल्यावर पहिल्यांदा मलासुद्धा हा "टेक्निकल प्रश्न" आहे वाटला. (हा धागा आहारशास्त्रात आहे बघितलं नव्हते :-))

भुंग्या आमच्याकडचा चहा म्हणजे बासुंदिच असते
पाच कपाला ४ / ५ कप दुध आणि १ / ० कप पाणी. ६ चमचे चहा पावडर ( दुध जास्त असल्याने जास्त लागते ) , १० चमचे साखर, ताजी बारीक केलेली वेलची एकत्र टाकुन गॅसावर ठेवायचे. आणी सतत ढवळत रहायचे ( साय धरु नये म्हणून हे महत्वाचे ). मस्त चहा शिजल्याचा ( मला कळतो हा ) वास आला की गाळायचा

मला स्ट्राँग चहा आवडतो.
पाच कपाला:
३ कप पाणी + ६-७ चमचे साखर+ २ ते अडीच चमचा चहा हे मिश्रण चांगलं उकळवते (यातच अर्धा इंच आलं ठेचुन किंवा गवती चहा टाकला की अप्रतिम चव) चहाचा गाळ खाली बसेपर्यंत. नंतर त्यात २ कप दुध टाकते. हे ही चांगलं ५ मि.उकळु देते. मस्त घट्ट चहा तयार होतो. चहाच्या कलरवर चहा कसा झाला हे अवलंबुन असतं. खुप दुधाचा पांढरा फटक चहा, किंवा खुप चहा पावडर टाकुन केलेला काळपट चहा मला नाही आवडत.
टीपः गॅस विझवुन २-३ मि. चहा झाकुन ठेवावा...लगेच गाळु नये.

जिप्स्या त्या इंटरव्ह्युअरला माझा __/\__ सांग

चहा कसा करतात.. ते एकदा आसाममधल्या चहाच्या फॅक्टरीत बघून यायला पाहिजे.. योग्य ती माहिती तिथेच मिळेल....

आमच्या वर्गात एका मुलीने चहा करायला ४५ मिनिटे लागतात असे दाखवले होते.. ते बघितल्यावर आमच्या सरांनी तिला वेड्यात काढले होते.. विषय होता production planning and control.... आणि तिने ते सगळे process flow वगैरे काढून दाखवले होते..

ते एकदा आसाममधल्या चहाच्या फॅक्टरीत बघून यायला पाहिजे.. योग्य ती माहिती तिथेच मिळेल.... >> आजीबात नाही... माझे एक नातेवाईकांचा चहाचा व्यवसाय आहे आणी ते नामांकित टी टेस्टर आहेत. एकदा त्यांनी केलेला चहा पीले होते.. आजीबात आवडला नव्हता

गावाकडे निरश्या दुधाच्या चहाची चव इथे शहरात नाही

३ कप पाणी त्यात २ कप दुध, साखर १० चमचे ५ चमचे चहा टाटा, नाहीतर खुला
डायबेटीज असल्या ५ चमचे, डायबेटीज पावरफुल असल्यास वेगळा करतो
उकळी आल्यावर त्यात कप बुडवुन पुन्हा खालीवर करतो, गाळणी नी गाळतो, बंगळीवर निवांत बसुन पितो बिस्कीट मात्र क्वचित खातो चहा सोबत. गरमगरम प्यायला आवडते

वर्षा, हिम्स

आमच्या वर्गात एका मुलीने चहा करायला ४५ मिनिटे लागतात असे दाखवले होते.>>>>>>>> माझी मैत्रीण करते ४५ मिनीटात चहा ती अर्धा-पाउण तास चहा उकळत ठेवते.. एकदाच तिच्याकडे तसा चहा घेतला, त्यानंतर तिच्याकडे गेल्यावर माझा मीच चहा करुन घेते

भुंगा...
माझी पद्धत लिहितोय...
५ कप चहा साठी:-
१> साडे-तीन कप पाणी व्यवस्थीत पणे ऊकळून घेतो...
२> ऊकळत्या पाण्यात चहा पिणार्‍यांच्या चवि प्रमाणे साखर घालुन पुन्हा ऊकळी काढतो...
३> ऊकळत्या साखरेच्या सिरपमधे चहा पिणार्‍यांच्याच चवि प्रमाणे उपलब्ध असलेली चहा-पावडर घालून पुन्हा साधारण पणे दीड मिनिटापर्यन्त उकळी काढतो...
४> या उकळत्या कोर्‍या चहा मधे दीड कप गार दूध घालून पुन्हा चांगली ऊकळि काढतो...
५> पूर्ण-पणे तयार झालेला चहा गॅस वरून उतरवून, उकळलेली चहा-पावडर पूर्ण पणे खाली बसल्यावर, नंतरच कपात चहा ओतून सर्व्ह करतो...

पण जेव्हा मी स्वत: आणि मोठे बंधूराज (परदेसाई) यांना चहाची तल्लफ येते तेव्हा - पाणी आणि दुधाचे प्रमाण १:१ ठेवून ईतर प्रक्रीया वरती सांगितल्या प्रमाणेच करतो...

माझा एक नियम आहे.. जास्त हायफाय लोकांच्या घरी मी कॉफीच घेते.. चहा म्हणजे काळे पाणी असते नुसते

आमच्या घरी आम्ही दुध कधीच तापौवुन ठेवत नाही. पिशवीतुन हवे तेव्हडे घ्यायचे आणि एका पातेल्यात पिशवी उभी ठेवायची. असे केल्याने दिवसातला कुठलाही चहा ताज्या दुधाचा वाटतो. ( पण त्यामुळे घरी तुप कधीच होत नाही )

वर्षे... १०० टका सच बोली तु!!!

हो गं! चहा शक्यतो कच्च्या दुधाचाच करावा... मलईदार लागतो.
रच्याकने: मला चॉकलेटी चहा पण खुप आवडतो.

माझा एक नियम आहे.. जास्त हायफाय लोकांच्या घरी मी कॉफीच घेते.. चहा म्हणजे काळे पाणी असते नुसते

वर्षे ईथे प्यायला नाही करायला सांगितला

वर्षे ईथे प्यायला नाही करायला सांगितला >>> अरे इथे सांगितले म्हणजे इथे जे हाय्फाय असतील ते मला कॉफीच देतील घरी गेल्यावर

भुंग्या तबेला कश्याचा
गोठ्यातल का नाही

तबेला की गोठा? तबेला घोड्यांचा असतो ना? ए.भा.प्र.

आता विचारतोच आहेस म्हणून सांगते.

माझी चा करायची पध्दतः
जेवढे कप हवे तेवढे पाणी घेणे. (समजा २ कप). ते उकळवणे. खाली उतरून २ चमचे आणि थोडी वर अशी चहापत्ती टाकणे (सहसा सोसायटी किंवा ताज). लगेच झाकून ठेवणे. दूध मावेमध्ये गरम करून घेणे. जरावेळाने चहा मुरला (म्हणजे चहापत्ती खाली बसली) की त्यात दूध मिसळून घुटके घेत पीणे. मी चहात साखर घालत नाही. कोणी आले तरी वेगळी साखर देते कारण किती लागेल ते समजत नाही.

कधी कधी उकळलेल्या पाण्यात चहापत्ती टाकून थोडं आणखी उकळवते. अशावेळी दीड चमचा चहा पुरतो. मग त्यातच दूध घालून आणखी जरा गरम करून चहा गाळते.

नवर्‍याची चा करण्याची पध्दत : (सकाळाच्या चहाची जबाबदारी त्याच्याकडे आहे.)
तो कधी पाणी मोजत नाही. अंदाजाने जरा जास्तच पाणी उकळत ठेवतो. मग त्यात आलं ठेचून आणि घरच्या लेमनग्रासचं एक पान बारीक कापून टाकतो. हा काढा बराच उकळवतो. मग खाली उतरून त्यात जेमतेम १ चमचा (किंवा त्याहूनही कमी) चहा टाकतो. सकाळी दूध गरमच असतं त्यामुळे जरावेळानं ते या चहा कम काढ्यात मिसळून (पण दूध किती? तर अर्धा चमचा) दोन बंपर कपातून ओततो.

मी चहा कसा करतो (मी असा करतो, माझ्या घरचे सगळे वेगळ्या पद्धतीने करतात)

५ कप चहाला- ३ कप दूध, २ कप किंवा थोडंसं जास्त (सव्वादोन कप) पाणी.
आधी से मिश्रण उकळत ठेवायचं. साखर आणि चहापूड सोडून अन्य काही (म्हणजे आलं, वेलची इ.) घालणार असू, तर ते आधी घालून थोडावेळ ते गरम करायचं. आणि आता उकळी येणार अशी परिस्थिती असताना अंदाजे थोडं आधी चहापूड घालायची. ५ कपाला- ५-५.५ चमचे चहापूड. (अगदी वस्त्रगाळ पूड असेल तर ४ चमचे पुरते.)
आम्ही डस्ट+ गोळी मिक्स आणतो. चहापूड टाकताच ते मिश्रण जरा जास्तच उकळतंय असं वाटतं क्षणभर.
अशा वेळी गॅस थोडा कमी करायचा. दुधाचा रंग हळू हळू बदलून लालसर होऊ लागला की चवीनुसार साखर घालायची. ५ कपाला प्रत्येकी १.५ चमचा या हिशोबाने ७.५ ते ८ चमचे साखर मला पुरेशी वाटते. (वेलदोडे जास्त घातले असतील तर एखादा चमचा साखर जास्त घालायची)
हे सगळं मिश्रण उकळत असताना एखादा खोलगट डाव किंवा चमच्याने ढवळायचे. चहापुडीत गोळी जास्त असेल, तर ती चहापूड डावाने चहाच्या भांड्याच्या तळाशी थोडी रगडायची (थोडीच जास्त नाही)
चहाच्या वाफेचा वास मस्त यायला लागला की गॅस बंद करून अगदी १ मिनिट (१ मिनिटही जास्त वेळ आहे) त्यावर झाकण ठेवायचं आणि चहा गाळायचा.
(या चहाबरोबर मला काहीही खायला आवडत नाही. चहाची चवच जाते बिस्किट वगैरे खाल्लं एकत्र की.)

या प्रकाराला, मी चहा ढवळत असल्याने आमच्या घरात उपहासाने, 'अमृततुल्य' चहा म्हणतात

वर्षे सेम हियर...

मला रेग्युलर चहापेक्षा माझ्या आईच्या पद्धतीचा गवती चहा आणि हर्बल टी आवडतो...

आम्ही गवती चहात चहापावडर घालत नाही... गवती चहाच्या कांड्या दुधात टाकायच्या... साखर टाकायची आणि मग दुधाच्या निम्मं पाणी घालून उकळायचं... अहाहा जीव सुखावतो अगदी...

वर्षे मला तो हायफाय चहापण खुप आवडतो. कॅमोमाईल टी, जास्मिन टी पण आवडतात. डिप-डिप चहा पण आवडतो. एकूणात काय, चहाच आवडतो.

न आवडणारे चहा:
१. चहाच्या नावाखाली देण्यात येणारी बासुंदी अज्जिबात आवडत नाही. जास्ती दूध आणि साखर घातली की चहा हा चहा रहात नाही. (हे माझे मत आहे. वाद नकोत. ) २. तसंच चहाचा मसाला घातलेला आणि अति उकळवलेला चहा आवडत नाही.
३. उडप्याच्या हाटेलातला चहा तर अजाबात आवडत नाय. त्याला एक विशिष्ट वास येतो.

याच कारणास्तव, बाहेर कुठेही गेले तरी मी सहसा कॉफी पिणे पसंत करते.

एक कप चहा बनविण्याची गणिती कृती...

१५० मिली पाणी + १ टीस्पून चहा + २ टीस्पून साखर एकत्र घेऊन उकळत ठेवावे... बरोबर एक आल्याचा छोटा तुकडा किंवा गवती चहाची बारिक केलेली १० पाने टाकावीत... उकळल्यावर त्यात ५० मिली दूध घालावे.. सकाळचा चहा असेल तर निरसं दूध आपोआप असते.. दुपारचा असेल तर तापवलेले दूध.. त्यानुसार चहाचा रंग बदलतो बरका.. परत एकदा उकळी आली गॅस बंद करून चहा गाळून घ्यावा.. साधारण १७५ मिली चहा तयार झालेला असतो.. बरोबर टी टाईम मारी बिस्कीटाचा पुडा फोडावा आणि चवीचवीने चहा प्यावा...

पाच कप करायचा असेल तर वरील प्रमाणाला ५ ने गुणावे.. गुणाकार शक्य नसल्यास १ शून्य वाढवून २ ने भागावे.. ते ही न जमल्यास एकच आकडा ५ वेळा लिहून बेरीज करावी.. ती चुकल्यामुळे चहा बिघडल्यास त्याचा दोष चहा पावडर चांगली नाही म्हणून दुकानदाराच्या माथी मारावी...

मामे तुझ्याकडे आल्यावर कॉफीच घेइल

टमरेल म्हणजे आकाराने मोठा कप >> आठवण झाली
http://www.maayboli.com/node/17186

भुंग्या

मामे तुझ्याकडे आल्यावर कॉफीच घेइल

कॉफी करायला काय लागतं
नेस झटपट करते

भुंगा मस्त धागा आहे!!!

चहाची चव तो करण्यावर तर अवलंबून असतेच, पण चहाच्या ब्रँडवरही ती असते हे माझे मत.... (मला रेड लेबलचा नॅचरल केअर हा चहा बाजारात आल्यापासून दुसर्‍या कुठल्याही चहाची चव आवडत नाही... त्यातल्या वनौषधींनी चहाला खुप मस्त चव लागते. आता हे वाचून कोणी रेड लेबलचा नॅचरल केअर चहा घेतला तर मला कमिशन मिळायलाच हवे हं :फिदी:)

माझी चहाची पद्धतः
साहित्यः
४ माणसांच्या चहासाठी २ कप पाणी + २ कप दुध (३.५% फॅट असलेले दुध. १.५% असेल तर फक्त दुधाचा चहा करते.)
६ चमचे साखर (दर डोकी १.५ टि स्पून)
६ चमचे चहापावडर (मला स्ट्राँग चहा आवडतो)
२ वेलच्या कुटून (वेलची पावडर आणि कुटलेल्या वेलच्यांच्या चवीत फार फरक आहे.)

कृती:
सगळे एकत्र करुन चहाला उकळी येऊ द्यावी आणि ३ मिनिटे मध्यम आचेवर चहा शिजवावा. चमच्याने मधून मधून ढवळत रहावे.

अतिशय मस्त चव लागते!

भुंग्या,
'पाण'चट चहा पिऊन पिऊन असा झालायंस तर..

असो आमच्या घरी लहानपणापासूनच दुधाचा चहा पितात त्यामुळे मला ही तोच आवडतो, तु टाकलेली चहाची रेसिपी इंग्लिश आहे, मला अजिबात आवडत नाही. तसल्या चहापेक्षा प्रसिद्ध 'पाटणकर काढा' प्यायलेला बरा.. हेमावैम आहे. कृपया गरजूंनी (तसा चहा पिणार्‍यांना वरिल वक्तव्याचा राग आला असेल तर त्यांनी ):दिवा: घ्यावा.

माझी पद्धत एक कप चहासाठी..

पाऊणकप दूध, वर उरलेल्या कपाच्या भागात पाणी घेऊन एकत्रं पातेल्यात टाकणे, सव्वा दोन चमचे साखर, आणि सव्वा चमचा (गोळी) चहा, डस्ट मी वापरत नाही.
उकळवायचा, मधुन मधुन हलवायचा... दुधकट वास आल्यास, थोडं पाणि घालून पुन्हा उकळवायचा.. दुधकट वास गेलेला लगेच कळतो... उकळल्यामुळे दाटसर होतो मस्त.

चहा कोणत्या दुधाचा शिवाय कोणती पावडर वापरून करताय त्यावर त्याची चव अवलंबुन असते. मी मुळची कोल्हापूरची असून मला तिथल्या गोष्टींचा उगिचच सार्थ वगैरे अभिमान नाही. पण गोकुळ दुधाची सर खरंच जगातल्या कोणत्याही दुधाला येणार नाही इतकं नक्की सांगते. तिथे आम्ही पर्टिक्यूलरली अमुक्-ढमूक पावडर वापरायचो नाही, पण निव्वळ दुध उत्तम असल्याने तिथला चहा फार सुरेख व्हायचा.. इथे आल्यावर ती चव मिळवण्यासाठी मी अजून धडपडतेय.

पुण्यात आल्यावर (मला) नविन शोध लागला होता. गायिच्या दुधाचा.. हे दूध प्यायला आणि पचायला हलके पडते, पण याचा चहा अजिबात पिऊ नये.. फार बोर होतो.

भुंग्या चहाच्या एव्हढ्या सगळ्या रेसिप्या जमवून काय करायचा विचार आहे ? चहा महोत्सव ?

'पागा' वरून आठवले, पुण्यात एक शाळा आहे हुजूर पागा का काय ती.
त्या शाळेतल्या मुलींना आम्ही चिडवायचो
(कॉलेजात असताना, आमच्या कॉलेजमधल्या, पण हुजूरपागेत शिकलेल्या मुलींना. नाय तर मोठे असून लहान मुलींना चिडवता? वगैरे कैच्याकै प्रश्न येतील.
त्या मुलीही मला वाड्यात शिकणारा म्हणून चिडवायच्या. वाडा= टि.म.वि.)

असो, विषयांतराबद्दल क्षमस्व.
पण चहा म्हटलं की बरोबर खायला काही नसलं तरी मस्त गप्पा पाहिजेतच ना?

गाईच्या / म्हशीच्या दुधापेक्षाही दुधाच्या पावडरपासून जास्त चांगला चहा बनतो.

मामीच्या घराखाली खुन पडलेले बघितल्यापासुन भुंग्याला असले बेसिक प्रश्न फारच पडायला लागलेत
मामे, अजुन काय वाचायला मिळणार आहे कुणास ठाऊक
रच्याकने मी चहा कुठेही (टपरी, हॉटेल, घरी) पिऊ शकते.