सांग सागरा येवू का ?

सफेद केसात म्हातारपण हसत
लहान मुलात बालपण खेळत
पण नुकतच उमललेल माझ तारुण्य?
.
.
.
ते जसच्या तस तू अजून जपत आहेस .
येवू का घ्यायला?

आयुष्यात तशी तृप्त तृप्त
आसक्ती नाही ,
ना कुणावर आरक्त
गाणी गाते ,मुलात खेळते
लेन्सेसमुळे आता बरेच दिसते
पण तुझ्या डोळ्यात मिसळलेली
ती पहिली नजर?
.
.
.
तिच्या आर्ततेसकट
येवू का घ्यायला?

खूप प्रयत्न केले
तू कधी उलगडला नाहीस
मिटला कळा फुलला नाही
काळाच्या रहाटगाडग्यावर
कधी आरूढ झाले कळलच नाही
माझ्या शिवारात पाणी वळलय
तरी...............
.
.
.
प्रवाह बदलून सांग सागरा
येवू का?