मधाळ

Submitted by जया एम on 4 March, 2011 - 05:58

तलम उन्हाचे वस्त्र रेशमी
कुठे सावली नक्षीदार
निळे-जांभळे मोर उमटले
सुवर्णपंखी तालेवार

सुबक कळ्यांचे ओठ मधाचे
ठिबकत काही नवलकथा
झेलून घेई मुकी पाकळी
थेंब सुखाचे टपटपता

कळी पाकळी देठ फुलाचा
खेळ चालतो गोडीचा
मोराच्या डोळ्यात उमटतो
धागा रेशीमओढीचा

ऊन गोड की मऊ सावली
वीण असावी मोरपिशी
मधाळ काठावरी झुकावी
भरात फांदी नाजुकशी...

गुलमोहर: 
कविता
शेअर करा

छान Happy

Submitted by वर्षा_म on 7 March, 2011 - 03:20

इतकं गोड इतकं गोड की,
म्हणावं एकच----------------
--------------------------
--------------------------
--------------------------
--------------------------
शब्दं मधुरं भावं मधुरम् ।
गीतं मधुरं काव्यं मधुरम् ॥
--------------------------
--------------------------
इतकं गोड!
रामकुमार

Submitted by रामकुमार on 7 March, 2011 - 15:45

मधाळ!

Submitted by उमेश कोठीकर on 7 March, 2011 - 22:47

कस्ली लय आहे... शब्दलाघव...
जया... पुस्तक काढलय? नाही तर कधी काढणार?
चांगलं साहित्यं वाचायला मिळणं हा सर्व रसिकांचा हक्कं आहे आणि तो पुरवणं हे तुमच्या सारख्यांचं कर्तव्यं.

Submitted by दाद on 14 July, 2013 - 19:20

चांगलं साहित्यं वाचायला मिळणं हा सर्व रसिकांचा हक्कं आहे आणि तो पुरवणं हे तुमच्या सारख्यांचं कर्तव्यं.> +१

हा धागा वर काढत आहे..

Submitted by माउ on 31 March, 2016 - 12:22

>>>>तलम उन्हाचे वस्त्र रेशमी
कुठे सावली नक्षीदार
निळे-जांभळे मोर उमटले
सुवर्णपंखी तालेवार

आहाहा! ऊन-सावलीचा खेळ किती सुंदर व्यक्त केलेला आहे.

Submitted by धनश्री- on 8 September, 2023 - 14:45