संथ चालती ह्या मालिका

रिअली? बरं मित्राचा फोन ब्लॉक केलाय पण मित्र, नातेवाईक कोणी त्याला एक कॉल करायला फोन उधार देत नाही ? का जीओने त्यांचा धंदा गुंडाळला भारतातला? मेल पण ब्लॉक केलीत का? गेला बाजार पोस्टाने ऑफिसच्या पत्त्यावर रजिस्टर्ड पत्र तरी पाठवायचं ना? का तो ऑफीसातही जात नाही?

आणि फी म्हणून काँट्रॅक्ट मॅरेज करण्यात काय हशील आहे? नुसतंच लिव्ह इन मध्ये राहणे कमी कटकटीचं नाही का? लेखक बहुतेक प्रतिलिपीवरून आयडिया चोरत असावा. तिकडे काँट्रॅक्ट मॅरेजची कायमस्वरूपी साथ आलेली असते.

पिस्तुलाच्या गोळीने झालेली जखम हळदीने बरी झाली?
आत्तापर्यंत हिंदी पिक्चरवाले उगीच चाकू तापवून वगैरे गोळी बाहेर काढायचे. उसके बाद भी जहर बहोत फैल जाता था और सिर्फ भगवानही उनको बचा सकते थे|
मराठी आया फारच ऍडवान्सड निघाल्या. बहुतेक आपल्या पदराने/ओढणीने कपाळावरचा घाम पुसणारी हॉट नायिका सीरिअलवाल्यांच्या बजेटमध्ये नसेल. म्हणून थोडक्यात आटोपून घेतलं का?

हा एपिसोड बघून तुम्हांला तुमचे केस उपटावेसे वाटले नाही का भरत?

फारेण्ड, पहाच. धमाल आहे. निवेदिता जोशीला अगदी मोकळं सोडलं आहे.
माझेमन , माझी इम्युनिटी वाढली आहे. या सुखांनो या पाहताना केस उपटावेसे वाटायचे (विक्रम गोखले, ऐश्वर्या नारकर , इ.) त्यानंर इतक्या मालिका पाहिल्या की काही त्रास होत नाही. so bad its good असं झालं आहे.
--
जुळून येती मध्ये ती आणखी एक रडकी मुलगी होती आणि तिचा चिडका नवरा होता. त्याचा फोन तर कधीच लागत नसे.

पण हा कॉट्रॅक्ट मॅरेज प्रकार नवीन दिसतो.
>>> हा प्रकार फक्त सीरिअल्स आणि काही कथांमध्ये असतो. बाकी लोक्स लग्न करून किंवा न करता सुखाने (?) राहतात.

माझी इम्युनिटी वाढली आहे >>>

भरत , धमाल
अमितवची आतेबहिण लेखिका आहे या मालिकेची , तो फीडबॅक पोचवतो म्हणाला होता मला .

स्वरा मोकाशी संवाद लेखिका. पहिलीच मालिका. कथापटकथा चिन्मय मांडलेकर.

भरत तुम्हाला _/\_ . पेशन्स आहे! गोळी काढल्यावर हळद काय!!

जुळून येती मध्ये ती आणखी एक रडकी मुलगी होती आणि तिचा चिडका नवरा होता >>> हो हो ती चित्रा - मनोज ची जोडी. तो म्हणे ऑफिसात गेल्यावर फोन बंद करत असतो. डेडिकेशन पहा!

गोळी काढल्यावर हळद >>>

गोळी नुसती चाटून गेली. तीपण सँडलच्या आतल्या पावलाला. पावलाला चाटून पुढे कुठे कशी गेली, हे त्या गोळीलाच माहीत.

भरत,

या सिरियलचा वेगळा धागा काढा. वाचायला मजा येईल.

अरुंधती खरंच दाखवली आहे? त्याच गेट अप मधे की काय?
म्हणजे व्हर्च्युअल व्हर्च्युअल म्हटले तरी त्यांचे पण काही उसूल असतात म्हणायचे!

फा..
काँट्रॅक्ट मॅरेज नवीन टर्म दिसते. म्हणजे वधूवरांच्या संमतीने काही महिन्यांसाठी जगाला दाखवलेलं लग्न! असा ढोबळ मानाने अर्थ असावा. पण मग अर्थात त्या दोन पार्टीज प्रेमात पडणारच आणि सगळे राडे होणारच पुढचे!

कॉट्रॅक्ट मॅरेज हा काय प्रकार आहे? काही अधिकृत आहे का असे नवीन? >> या सिरियल मध्ये एका वर्षासाठी / मधुभाऊ (नायिकेचे मानस बाबा) जेलमधून बाहेर येईपर्यंत लग्नाचे कॉट्रॅक्ट केलेले आहे. त्याचवेळी घटस्फोटाच्या पेपर्स वर पण सह्या केल्या आहेत. नंतर मी नाही जा म्हणायला चान्स नको.

दोन पार्टीज प्रेमात पडणारच आणि सगळे राडे होणारच पुढचे!>> आता तर काहीही चालू आहे. घटस्फोटाचे पेपर्स कोर्टात सबमिट केले की दुसरं लग्न करायला मोकळे. सायली तर म्हणे आता घटस्फोट घेणार आणि परत त्यांच्याशीच लग्न करणार. अरे पण घटस्फोट देतच नाही म्हणून सांग ना.. सह्या केल्या म्हणजे घटस्फोट होत नाही त्याची पण प्रोसेस असते.

अरुंधती इथे सुद्धा संकटमोचक आहे.
https://fb.watch/xxtJDX2-Gj/
मला या एपिसोडपर्यंत पोचायला भरपूर वेळ आहे.

तर आईबाबा रिटायर होतातचा मागचा मी इथे लिहिलेला भाग इतका हॅपनिंग होता की त्यातला शेवटचा भाग लिहायचाच विसरलो. सासूबाई सुनेच्या भावाला मलमपट्टी करत असताना आणि बेसन लाडू खिलवत असताना थोरली सून ( खर्‍या) पोलिसांना घेऊन आली. बघा , आमच्या घरात कशी तोडफोड केली आहे आणि माझ्या नवर्‍याला सगळ्यांच्या समोर थोबाडीत मारली, हे कारण. बंदूक नावाचं पिस्तुल काढलं, सासूच्या कपाळावर धरलं, याचं काहीच नाही. पण तिच्या नवर्‍यासकट घरातल्या सगळ्यांनी - ये हमारा आपस का मामला है, हिचा काही तरी गैरसमज झाला, असं म्हणून पोलिसांना जा जा केलं.

पुढच्या भागात - थोरल्या सुनेने नव्या धाकर्‍या सुनेचं लग्न झालंय हे मान्य करायला नकार दिला. हे असं मंगळसूत्र कुठेही मिळतं. मॅरेज सर्टिफिकेट कुठेही छापता येतं. पण पुढचा मुद्दा अधिक महत्त्वाचा आहे. हिच्या भावाने माझ्या नवर्‍याचा सग ळ्यांसमोर अपमान केला म्हणून हिने माझ्या नवर्‍याची सगळ्यांसमोर - म्हणजे घरासमोरच्या मोकळ्या जागेत - माफी मागायची.
सासूबाईंना हे मान्य नाही. एकतर तिची काही चूक नाही, आणि माफी मागायला बाहेर जायची गरज नाही.

आता धाकट्या सुनेला आपले गुण दाखवायची संधी. सासरेबुवांचे दोन मित्र चौकशीला येतात. त्यांना घरात न नेता, अंगणातच बाक ड्यावर बसवतात. खरं तर तुमच्या घरी पोलिस आले, मारहाण झाली या बद्दल चौकशी करायला हवी. तिथे नवी सून दाखवण्याचा कार्यक्रम. तीही येताना चहा करून घेऊनच येते. लहानशा पुतणीकरवी मोठ्या सुनेला बाहेर बोलवते. आणि थोरल्या दिराच्या पायावर चहा सांडते. मेंदी लावावी इतका सावकाश तो पुसते आणि माफीही मागून टाकते. चहा सांडल्याबद्दल आणि आधी जे काय झालं त्याबद्दल. प्रफुलच्या भाषेत - माफी की माफी और सबके सामने का सबके सामने.

यावरून सासूला आपली नवी सून किती गुणाची आहे, ते कळतं.

कथा- पटकथा - चिन्मय मांडलेकर.

आपण लग्न केलंय आणि दिल्लीहून हिच्या भावांमुळे नोकरी सोडून पळून आलोय, हे मुलाने सांगितलं नव्हतं. तो अमेरिकेत नोकरी शोधतोय आणि दोन तीन दिवसांत मिळणारच आहे, मग सांगणार होता.

आता ट्रंप तात्या आल्यावर कसला जातोय तो अमेरिकेला? इथे पुढचा महिनाभर त्यांचं लग्न लागणार आहे.

चिन्मय मांडलेकर >>>>
सिरिअसली? एवढे वाईट दिवस आलेत चिन्मय मांडलेकरवर? त्यापेक्षा शिवाजीच्या अजून ४ भूमिका केल्या असत्या तरी परवडलं असतं.

दिराच्या पायावर चहा सांडते. मेंदी लावावी इतका सावकाश तो पुसते >>>>>
मला एकदम मिलिंद गुणाजीने ऐश्वर्याला नमस्कार केल्याचा प्रसंग का आठवला? नॉटी मी...

तो अमेरिकेत नोकरी शोधतोय आणि दोन तीन दिवसांत मिळणारच आहे
>>>> हायला एवढया पटकन नोकऱ्या मिळतात अमेरिकेत? नो वंडर, लोक डंकीच्या मार्गाने जातात.

भरत

कथा- पटकथा - चिन्मय मांडलेकर >>> जपून पहा मग. त्याची कथा पटकथा असलेली 'तू तिथे मी' नावाची सिरिअल लै डेंजर होती. ही घ्या त्या मालिकेची लिंक -
https://www.maayboli.com/node/43883

वीण दोघांची तुटेना

कहर मालिका होतेय.
पहिल्यांदा जरा सुभा आणि तेप्र ची नोकझोक बघायला मजा आली होती. रादर पिसं काढायला.
आता जरा जास्तच टॉक्सिक /निगेटीव्ह बोलतोय. कंटाळा आलाय त्याची ती सतत तुसडेपणाची (अ‍ॅक्टींग)? बघून.

हो आधी मस्त जरा विनोदी अँगलने तरी बोलायचा.
ती किशोरी अंबिये, अंशुमन जास्त फुटेज खायला लागले मग कंटाळवाणी झाली. तरी त्यांचे सिन्स पुढे ढकलते.
अधिरा मस्त आहे.
रूममधे झोपण्याच्या सीनमधे जरा बॅक टू ट्रॅक वाटले...

सुरूवातीला ही सिरीज वेगळी वाटली होती. >>बडे अच्छे लागते हो चा रिमेक आहे ना .ती बघितली होती मी पण सुरुवातीचे एपिसोडस बघून परत काय तेच बघायचं म्हणून सोडून दिली. पण तो फेमस लग्न मोडण्याचा मोनोलॉग वाला सीन बघण्यासाठी परत सुरू केली. मला वाटलं होतं कोणीतरी धागा काढेल पिसं काढायला. फारएण्ड बघताय तर तुम्हीच धागा काढाल का

अतिशय भंगार सीरियल आहे!
बडे अच्छे लगते है..खूप सुंदर होती.
त्यातील मिस्टर कपूर असे सारखे वसवस अंगावर येत नसत.
त्या दोघांतील प्रेम खूप छान, हळुवार प्रसंगांनी फुलवले होते. उदा, मॉल मध्ये तो आत अडकून राहणे आणि तिने बाहेर पायरीवर त्याला सोबत करणे, परदेशात मेट्रोचा दरवाजा बंद झाल्याने ती आतच राहून जाणे आणि पुढच्या स्टेशन वर राम ने तिला रिसिव्ह करायला येणे....
इथे तर सदानकदा भांडणे आणि टोमणे मारणेच चालू आहे.
कारस्थानी काकू तर वीट आणते. कुणालाच इतक्या ऑबव्हियस गोष्टी कळू नयेत याचे नवल वाटते.
सुबोध आणि तेजश्री छान दिसतात पण त्यांची केमिस्ट्री जराही उमलू देत नाहीये डायरेक्टर!!

सुबोध आणि तेजश्री छान दिसतात पण त्यांची केमिस्ट्री जराही उमलू देत नाहीये डायरेक्टर!! >>>+1
हो बडे अच्छे... खूप सुंदर होती .राम कपूर आणि साक्षी तनवर ने मस्त काम केलेले काही सिन मस्त खुलवलेले मराठीत तशीही चांगल्या लव्हस्टोरीची बोंबच आहे .
बडे अच्छे मध्ये मला तर ती लहान पिहू जाम आवडायची नंतरचे भाग फक्त तिच्या साठी पाहिले होते चुनचुणीत बोलायची डायलॉगस तीचा शेवट पाहिला नव्हता 20 वर्षाचे लीप झाल्यानंतर सोडली.
सुबोध आवडतो पण राम कपूरची कॉपी करताना बघवत नाही राम कपूरला चिडकी ऍकटींग सूट व्हायची. तेजश्री एव्हडी आवडत नाही नाटकी हसते( होणार सून पासून सेम अभिनय)पण ही बाकीच्या सिरीयल पेक्षा बरी आहे. धागा काढला तर पिसं काढायला तरी नियमित बघितली जाईल.

ओह बडे अच्छे चा रिमेक आहे का हा?
राम कपूर आणि साक्षी तनवर ने मस्त काम केलेले काही सिन मस्त खुलवलेले>>>>> काही अ‍ॅडल्ट सीन्स पण असल्याचे ऐकिवात आहे.
इथे त्याची वानवा होणारच. असो.

लोक प्लुरिबस वगैरे वर चर्चा करतात तेव्हा त्यांना जाऊन सांगितले आहे की ही सिरीज बघा Proud>>>>>>>> मी तुमचं ऐकलेलं आहे. आणि आता नवर्‍याला पण सवय लावलीये.

काल केसरी ची जाहिरात..
मोगर्‍याची कोणाला अ‍ॅलर्जी असते आणि तेही एकदम दोघांना... पहिले १-२ वेळा शिंकले नाक दाबलं मग विसरून गेले बहुधा

सुलभा आचार्य आवडतेय यात.

रोहनच्या ताई आणि अधिराचे दादा...

बादवे संवाद मधुगंधा कुलकर्णींनी लिहिले आहेत. परेश मोकाशींच्या सौ. ना या?

काही अ‍ॅडल्ट सीन्स पण असल्याचे ऐकिवात आहे. Wink>>>हो युट्यूब वर सर्वात जास्त पाहिलेला एपिसोड आहे तो मराठीत असं काही दाखवायची वानवाच .त्या होणार सून मध्ये श्री जान्हवीला मांडीवर डोकं ठेवूनच बाळ झालेलं

उलट मला ल्युरीबस काय आहे ते माहीत नव्हते मग स्वाती यांचा धागा पाहिला ट्यूब पेटली lyuribus म्हणून सर्च करत होते मी तर ब्रेकिंग बॅड आणि गॉट पण पाहिली नाहीये जाम फोमो येतोय वाचून.