संथ चालती ह्या मालिका

Submitted by फारएण्ड on 2 June, 2008 - 00:00

कालच मित्राकडे गेलो असताना टीव्हीवर एकदम भरजरी कपडे घातलेले लोक, लाल पिवळे रंग, एक महाशादी वगैरे पाहून हे झी आहे हे लगेच ओळखले. कोणतीतरी सिरीज चालू होती, बहुधा 'बेटियॉ', कारण बर्‍याच बेटियॉ दिसत होत्या. एकूण प्रसंग सात फेरे वाला होता. सगळे क्रमाक्रमाने आनंदी, वात्सल्ययुक्त (काही 'युक्त' म्हंटले की श्रीखंडच आठवते. भूक लागली ) वगैरे नजरेने पाहात असतात. तेवढ्यात त्यातली एक खुनशी वगैरे हास्य करते यातील त्या कृतिका देसाईसारख्या दिसणार्‍या बेटीकडे बघून (सोयीसाठी आपण तिला क्रुतिका देसाईच म्हणू), चार पाच वेळा कॅमेरा फटाफट झूम इन झूम आउट होतो, पण इकडे फेरे चालूच असतात. वधूच्या डोक्यावरचा घूंघट पूर्ण चेहरा झाकत असतो, पण पुढून खालच्या कोनातून बघितले की आत एक हॉरर पिक्चर मधे दाखवतात तसे डोळे असलेला चेहरा दिसतो. त्याचबरोबर एक दुसरी बेटी कोठेतरी बहुधा कोंडलेली तेथून बाहेर पडते व रिक्षाने कोठेतरी जायला निघते.

मग क्रु.दे. ला शंका येऊ लागते, तेवढ्यात तो घूंगट जरा हालतो आणि तिच्या लक्षात येते की ही भलतीच बेटी फेरे मारते आहे. आणि एकदम क्रु.दे. 'रोक दो ये शादी' ओरडते. पुढचे ५-१० मिनीटे प्रत्येकाचे reaction शॉट दाखवलेत नुसते वेगवेगळ्या कोनातून. प्रत्येक जण इमाने इतबारे दुसर्‍याची प्रतिक्रिया झाल्याशिवाय आपली देत नाही. इतके की शेवटी दिग्दर्शकच विसरतो की मूळ आरोळी क्रु.दे नेच मारली होती, कारण तिच्याच ओरडण्यावर तिचीच पुन्हा प्रतिक्रिया दाखवली आहे. या प्रतिक्रियांमधेच चार पाच फेरे होऊन गेले असतील मग तो गोंडस वगैरे दिसणारा वर त्या बेटीचा घूंघट (खस कन वगैरे नाही, अगदी 'घूंघट उठा रहा हू मै...' कभी कभी स्टाईल) उचलतो आणि अजूनपर्यंत तुमच्या लक्षात आले नसेल तर (मात्र तुम्ही या सिरीज पुन्हा पुन्हा पाहा) सांगतो की त्यांच्या अपेक्षेपेक्षा भलतीच मुलगी निघते.

मग तो बहुधा सासरा किंवा मोठा दीर असावा असा माणूस (तो पहिल्या मुन्नाभाई मधला... ज्याला शेवटी मुन्नाभाइ बोलका करतो तो, नाव आठवत नाही) बरेच डॉयलॉग बोलतो. मग पुढची वाक्ये ऐकू आली नाहीत (कोणीतरी चुकून रिमोटवर mute दाबले आणि रिमोट शोधून म्यूट बटन शोधून लावण्यासाठी तेथे काही रिची बेनॉ बोलत नव्हता) पण झीकृपेने सबटायटल्स होती: you are a prostitiute , किंवा ...behaving like a lajawanti girl किंवा असेच काहीतरी. वर तिला ही धमकी देतो की जर तू पुन्हा असे केलेस तर काहीतरी करीन. म्हणजे एकदा हा प्रसंग घडल्यावर सुद्धा पुढच्या लग्नात जिचे लग्न आहे तीच मुलगी फेरे मारायला उभी राहील याचा भरवसा यांना नाही.

१० मिनीटेच एवढी जबरदस्त असतील तर सिरीयल काय असेल? लावायला पाहिजे हे चॅनेल

Group content visibility: 
Public - accessible to all site users

झी वर नवीन सिरिअल सुरू झाली आहे - 'पाहिले न मी तुला'. काय स्टोरी आहे काही माहिती आहे का कोणाला? मिस्टरी वगैरे आहे की काय?

खूप वर्षांपूर्वी हिंदी सिरीयल प्रतिज्ञा आलेली. मला अरहान बहल खूप आवडायचा, तो आणि पुजा गौर यांची जोडीही आवडायची, बरेचदा बघायचे ह्या दोघांसाठी. अभिनय सर्वच जण चांगला करायचे. ते प्रतिज्ञाचे सासरे खतरनाक वाटायचे.

हे सर्व सांगायचं कारण म्हणजे, just आत्ता मी youtube वर बघितलं याचा पार्ट २ येतोय. हीच जोडी आहे आणि सासू सासरे तेच आहेत. स्टार भारत वर पंधरा मार्च पासून येतेय. अर्थात मी disney hotstar वर बघेन. पहिले काही भाग तरी नक्की बघेन, कृष्णा प्रतिज्ञा साठी.

हे कुठे लिहू समजेना म्हणून इथे लिहिलं.

नविन वागळे की दुनिया सुरु आहे, बरेच भाग झालेत. मला हल्लीच समजलं, सुमित राघवन मुलगा आहे. जुनी पिढी म्हातारी दाखवली आहे. मला बघायची आहे, राहून जातेय.

youtube वर बघितलं याचा पार्ट २ येतोय. हीच जोडी आहे आणि सासू सासरे तेच आहेत. >>>रिअल लाईफ मध्ये 'ठाकुर सज्जन सिंह'/ अनुपम श्याम आईसीयू मध्ये होते गेल्या वर्षी

https://www.bhaskar.com/entertainment/bollywood/news/anupam-shyam-ojha-h...

या youtube वर छोट्या छोट्या सेकंदाचे शॉट्स बघून मला गुम है किसीके प्यार मे आवडायला लागली आहे, विराट सई मस्त आहेत. मराठी कुटुंब दाखवलं आहे आणि अनेक मराठी कलाकार आहेत. दागिने मात्र फार त्यातले नाही आवडले, ते व्यापून टाकतायेत काही जणांना, त्या व्यक्तीकडे लक्ष कमी जातं. मी परवाचा एक एपिसोड बराच बघितला आत्ता. मला तो विराट आणि सई ही जोडी फार आवडली. बरेच महिने झालेले दिसतायेत ही सिरीयल सुरु होऊन.

ती प्रतिज्ञा सिरीयल startचा सीन छान होता फक्त, बाकी पहिल्या दिवसापासून फालतू टेन्शन सुरु केलं. जाऊदे कधीतरी आठ पंधरा दिवसांत एक एपिसोड असं बघेन. सध्या काही दिवस काट.

ती हिंदी इमली कोणी बघतं का. मी गुम है किसीके प्यारमे बघते. त्याचे काही प्रोमोज यु ट्यूबवर बघताना, इमलीचे बघितले, गश्मीर आवडतो म्हणून अजून दोन दोन मिनिटांचे बघितले. त्यावरून इमली त्याची पहिली बायको आणि ते कोणालाच माहिती नाही, ती नोकर म्हणून राहते आणि दुसरी बायको मालिनी (म्हणजे मयुरी देशमुख, ही चक्क बरी वाटतेय यात, मला त्या मराठी सिरीयलमध्ये अजिबात आवडली नव्हती).

मालिनी आणि इमली सावत्र बहिणी असंही एका प्रोमोत दिसलं. मला इमली झालेली फार आवडली नाही आणि दोन दोन बायका विषय वैतागवाणा वाटतो म्हणून मी गश्मीर साठीही बघत नाहीये. पण कोणी थोडक्यात स्टोरी सांगितली तर बरं होईल, एक बायको असताना दुसरं लग्न का करतो तो आणि इमली बायको आहे हे का लपवतो.

झी मराठीवर दोन मालिकांचे प्रोमोज दिसताहेत.
एक लोकमान्य टिळकांवर. त्यांची गाजलेली वाक्ये - शेंगा- टरफले, स्वराज्य प्रोमोजमध्ये दाखवताहेत.

दुसरी सासू सून . तू तू मैं मैं ची कॉपी वाटतेय. सुकन्या मोने आणि स्वानंदी टिकेकर

आप्पी आमची कलेक्टर चा काल एक भाग सहज बघितला, पूर्वी मूळ अफसर बीटीया काही भाग बघितलेले, त्यावरून आहे की नाही माहिती नाही, असावी कदाचित. अर्धा भाग चिंग शेजवान फ्राईड राईस मसाला आणि चिंग शेजवान चटणी यावर होता Lol

अर्धा भाग चिंग शेजवान फ्राईड राईस मसाला आणि चिंग शेजवान चटणी यावर होता Lol >>>>>
ओढून ताणून करतात ती जाहिरात। एकदा त्या आनंदी च्या सिरीयल मध्ये आणि अजून एक सिरीयल मध्ये दाखवली होती इतकी इतकी कि पुढे काय घडणार मध्ये अजून यांचं पारायण चालणार आहे म्हणून चॅनेल च चेंज करून टाकला। कधी कधी वाटते कि त्या पौराणिक सिरियल्स (देवाच्या ) आणि टिळकांची एक सिरीयल दाखवतात त्यात पण प्रमोशन करतील कि काय शेजवान चटणीच।

टिळकांची एक सिरीयल दाखवतात त्यात पण प्रमोशन करतील कि काय शेजवान चटणीच।>>>

Lol

शेंगाच्या टरफलां ऐवजी टिळक म्हणतील "मी चिंग शेजवान चटणी इथे आणली नव्हती सॅशेत, रिकामा पडलेला सॅशे मी उचलणार नाही!"
"माझी आई मला घरूनच पोळीला लावून रोल करून देते डब्यात देतांना!" Proud

कृष्णा सॉलीड सिक्सर, हाहाहा.

अरे हो त्यानंतर अप्पी बघितलीच नाही, बघते जाऊन एखादा भाग, कसलं प्रमोशन आहे बघुया.

आप्पीचा भाऊ कार्टून वाटतो, आपण लहान मुलींना केस वाढले की वरती रबर लावतो ना, नारदमुनिसारखी केशरचना होते. त्याचा तुरा दिसतो, तसे त्याचे केस बांधलेत आणि मागे एक शेंडी लांब आणि हे सर्व लाल रंगात रंगवलेलं. फनी एकदम. कितवीत आहे काय माहिती.

हीरो आवडला मला ह्यातला, पण रोज बघायला कंटाळा येणार ही सिरियल. एखादा भाग आठवड्यातून ठीक आहे.

हीरो आवडला मला ह्यातला, पण रोज बघायला कंटाळा येणार ही सिरियल. एखादा भाग आठवड्यातून ठीक आहे. >>>>>गरीबो का रजनीकांत , कोणता पोलीस इन्स्पेक्टर असे तुर्रेबाज केस ठेवतो .

ती आप्पी इतक्या सहजतेने पास होताना दाखवली आहे...real mdhe एमपीएससी यूपीएससी दिली तर कळेल किती कठीण आहे ती परीक्षा.....

आप्पी न बघता, दार उघड बये दार पहिल्यांदा बघितली, एक प्रोमो बघितला लग्नाचा म्हणून बघितली, ती नायिका थोराड वाटते हिरोपेक्षा पण अभिनयात उजवी वाटली. शरद पोंक्षे व्हिलन असावेत आणि सुहास परांजपे positive role मध्ये दिसतेय. जॉईंट फॅमिलीत कोण कोण भरलंय समजत नाही, अर्धी फॅमिली चांगली, अर्धी व्हिलन एवढं लक्षात आलं, किशोरी आंबियेचे दागिने आवडले नाहीत, ती आणि दुसरी एक हिरोची काकु बहुतेक, फार विचित्र दिसत होत्या, सुहास छान दिसत होती.

र.आ. - म्हणजे तो अनिरूद्ध त्याचीच ओरिजिनल बायको परत पळवून आणणार का? मागचे १००-१५० भाग पाहिलेले नाहीत त्यामुळे काही लेटेस्ट संदर्भ डोक्यात नाहीत. इतक्या एपिसोड्स मधे सिरीज मधला काळ फार फार तर एखाद्या महिन्याने पुढे सरकला असेल.