विसरशील लोक'मता' निवडणूक होता......

"विसरशील खास मला...." या ज. के. उपाध्ये यांच्या कवितेवरील विडंबन काव्य .....

विसरशील लोक'मता' निवडणूक होता......

विसरशील लोक'मता' निवडणूक होता
महागाईने परी सीमा गाठल्या जरि आता

निवडूनि आल्यावर भेटही विरळी
हुजुरेही विविध, लाळघोटी तव भोवताली
गुंतता सत्तेत कुठे, मतदार आठवीता

स्वैर तू वचनभंगी, 'पक्षात' विहरणारा
कसलेही पापाचरण तुला सहज बंडखोरा
भरशील तुझा गोत संधी जशी हाता

खुर्चीची हाव तुझी थांबवू कशाने
सोसवे न मतदारच करतील तुज 'शहाणे'
याकरता मतदारा झोपू नको आता......