जिथे ओठ ओठास बोलाविती...

Submitted by ह.बा. on 18 November, 2010 - 00:18

***************

मला माहिती ना तुला माहिती
कुणाच्या मनाला किनारे किती?

लुटावी कशी कोण सांगेल का
सुन्या काळजाची कपाटे रिती

नका रसरसू रे फुलांनो तिथे
जिथे ओठ ओठास बोलाविती

मरण घेउनी जन्मतो जीव जर
जिवाला जिवाची कशाला भिती?

तुका, ज्ञानराजा मराठीच का?
कपाळास नाहीत भगव्या फिती!

- ह. बा.
****************

गुलमोहर: 
मराठी गझल
शेअर करा

हब्या खासच रे...
खासकरुन "सुन्या काळजाची कपाटे रिती"....
कसली भन्नाट कल्पना आहे मित्रा...! जियो यार..... जियो !!

Submitted by विशाल कुलकर्णी on 7 December, 2010 - 07:14

Pages