घरी केलेला हॅलोवीनचा वेष !

नमस्कार, मायबोली वर लिहायचा पहिलाच प्रयत्न, मी नेहमी रोमातच असते, पण घरी हॅलोवीनचा वेष करण्याचा प्रयोग यशस्वी झाल्यावर मायबोलीवर टाकण्याचा मोह आवरु शकले नाही!

रुबिक्स क्युब

साहित्य :

• कोणत्याही मापाचा एक चौकोनी खोका (आम्ही computer चा २० इंच x २० इंच मापाचा खोका वापरला)
• काळी २ इंच रुंदीची टेप,
• काळी १ इंच रुंदीची टेप, (काळी २ इंच रुंदीची टेप मधे कापून वापरली तरी चालेल)
• पारदर्शक २ इंच रुंदीची टेप,
• पारदर्शक १ इंच रुंदीची टेप,
• खोक्याच्या मापा प्रमाणे कागद अथवा कापडाचे निळा, लाल, हिरवा, पांढरा, पिवळा आणी केशरी असे प्रत्येकी ९ चौकोनी तुकडे (आम्ही ६ इंच x ६ इंच मापाचे वापरले)

कृती :

• खोक्यावर - डोक्यासाठी एक मध्यम, पाय घालण्यासाठी एक मोठे, आणी हात घालण्यासाठी दोन लहान अशी वर्तुळे कापुन घ्या.
• डोक्यासाठीच्या आणी पायासाठीच्या वर्तुळांच्या बाजुने २ इंची काळी टेप लावून घ्या.
• हातासाठीच्या वर्तुळांच्या बाजुने १ इंची काळी टेप लावून घ्या.
• त्यानंतर सर्व कडांना २ इंची काळी टेप लावा.
• खोक्याच्या एका पॄष्ठ्भागावर रुबिक्स क्युब प्रमाणे रंगीत चौकोनी तुकडे ठेवून चिकटवून घ्या, व त्यावर १ इंची काळी टेप लावा. असे सर्व पॄष्ठ्भाग करा. वर्तुळांच्या ठिकाणी रंगीत चौकोनी तुकडे त्या आकाराचे कापावे लागतील.
• एका चौकोनावर लोगो छापून चिकटवा.
• अधिक मजबूती साठी सर्व पॄष्ठ्भागावर पारदर्शक २ इंच रुंदीच्या टेपच्या पट्या अशा रीतीने लावा, जेणेकरून पॄष्ठ्भागावर चुण्या पडणार नाहीत.