वसा

Submitted by कौतुक शिरोडकर on 24 September, 2010 - 03:08

प्रेरणा - http://www.maayboli.com/node/19971

(बेफिकीरजी, 'माकडाच्या हाती कोलीत' ही म्हण माहीत असेलच तुम्हाला.)

काय सांगू तुला कसा आहे ?
सिंह वर, आत मी ससा आहे

शक्य नाही पदोन्नती आता
'बॉस' ही एक अवदसा आहे

खे़ळतो तोच जो बुकी असतो
पीचवर पाकचा ठसा आहे

काल होता प्रभावही माझा
आज नुसताच वारसा आहे

माणसे सर्व चांगली दोस्ता
फक्त वाईट लालसा आहे

आपल्यासारखेच सारे हे
ओळखा, कोण आरसा आहे ?

मी जरा घेत चाललो आहे
शुद्ध हरपेल..... भरवसा आहे

काय संबंध नेमका अपुला
बघ, मुलाचाच बारसा आहे

'कौतुके' मी विडंबनी रमतो
घेतला हाच मी वसा आहे

गुलमोहर: 
विडंबन
शेअर करा

या तुझ्या विडंबने घेतला
काळजाचाच ठाव सा आहे

वा कौतुका.... ,तु का इतके चांगले विडंबतो.. Happy

Submitted by डॉ.कैलास गायकवाड on 24 September, 2010 - 03:31

कौतुक,

दोन गोष्टींसाठी आपले अभिनंदन!

१. उत्तम विडंबन!

२. आपण पक्का काफिया घेतलात, मी स्वरकाफिया घेतला होता. पक्का काफिया घेऊनही आपण जमीन चांगली हाताळलीत.

आपले धन्यवाद यासाठी की:

आपण माझी गझल निवडलीत विडंबन करण्यासाठी!

मनःपुर्वक आभार!

-'बेफिकीर'!

Submitted by बेफ़िकीर on 24 September, 2010 - 04:11

व्वा चांगले विडंबन... ससा, लालसा, आरसा आवडले...

लालसा शेरात 'ऐक' च्या जागी फक्त घालून वाचले Happy

Submitted by मिल्या on 24 September, 2010 - 04:30

धन्यवाद सगळ्यांनाच !!!
बेफिकीरजी, आपल्या प्रोत्साहनासाठी आभार.
मिल्याभौ, तुम्ही जे वाचलत आम्ही तेच लिव्हलं बगा.

Submitted by कौतुक शिरोडकर on 24 September, 2010 - 08:06

कौतुकराव,

किती कौतुक करावं तुमचं हेच कळत नाही, मुळ गझलेला जराही धक्का न लावता प्रभावी विडंबने करण्याची तुमची हातोटी जगावेगळी................

Submitted by विजय दिनकर पाटील on 28 September, 2010 - 23:39

वा Happy

Submitted by मंदार-जोशी on 29 November, 2010 - 05:34