शरीरज्वर

आव्हान देवूनी सामोरी
उभा मदनाचा पुतळा
कुणी एकटाच गोंधळलेला
भोवती घट्ट गोतावळा ||

कैफास शरण जाता
भीड कशाची शरीरास
उठणा-या लाटा थोपविता
प्रयास पडती शरीरास ||

कुणी म्हणुनी सांगावे
मना संयम राख
वणवे पेटले वासनेचे
करिती शरीर बेचिराख ||

मोह कोसळूनी पडता
भानास येते ग्लानी
बेधुंद मनावर ओघळते
अनामिक एक मोहिनी ||

टाळू म्हणता टळेना
शरीरज्वर हा बेफाम
गार पडल्या तिमिरात
कपाळी साकळे घाम ||

विजयकुमार.........

०७/ ०९/ २०१०, मुंबई