Submitted by desh_ks on 2 May, 2008 - 23:51
हाय, कसा विश्वास हरवला
समर्पणाचा ध्यास हरवला ।
तुझ्यासंगती दरवळलेला
उरातला तो श्वास हरवला ।
सातजणांना पुरुन उरे, तो
तिळाएवढा घास हरवला ।
जगण्याला धुंदी स्वप्नांची
विस्मृतीत इतिहास हरवला ।
युगाहुनी मोठा असणारा
प्रतीक्षेतला तास हरवला ।
सत्य ज्यातुनी वेचुन घ्यावे
मोहकसा आभास हरवला ।
-सतीश
गुलमोहर:
शेअर करा
वाह..... प्रत
वाह.....
प्रत्येक, अगदी प्रत्येक शेर आवडला... (पण मतला जरा फिका वाटतोय..)
सत्य ज्यातुनी वेचुन घ्यावे
मोहकसा आभास हरवला ।
केवळ सुंदर...
वा! शेवटचे
वा! शेवटचे २ शेर फार आवडले! मस्त गझल आहे...
व्वा,
व्वा, मस्तच
सातजणांना पुरुन उरे, तो
तिळाएवढा घास हरवला ।
हा शेर खासच.
सुधीर