मायबोलीचे मोबाईल अॅप (अँड्रोईड + आयओएस) सर्वांसाठी उपलब्ध आहे.
Submitted by मी अभिजीत on 29 April, 2008 - 23:26
देऊ नकोस हाक , झाला आता उशीर
आधी कधीच नव्हती माझी तुला फ़िकीर…
उध्वस्त गाव झाला , ज्वाळा तुझ्याच होत्या
आक्रोश ऐकताना होतीस तू बधीर…
आता कशास आला दाटून हा उमाळा
खोटेच सर्व आहे डोळ्यातलेही नीर…
होतो पियुष जेव्हा , ओठी न लावीले तू
आता विषास प्याया झालीस तू अधीर…
आहे निघून गेला आत्मा कधीच माझा ,
आत चितेत फ़क्त जाळायचे शरीर…
– अभिजीत दाते
गुलमोहर:
शेअर करा
छान!
छान!
होतो पियुष
होतो पियुष जेव्हा , ओठी न लावीले तू
आता विषास प्याया झालीस तू अधीर…
झकास..
पण ही गझल वाटते... गागालगा लगागा*२