तुझी वाट बघता बघता...................

तुझी वाट बघता बघता नेहमी मला असेच होते
प्रहरावर प्रहर उलटून जातात अन दिवसाची रात्र होते

तूझ्या येण्याची चाहुल रातराणी हलकेच सांगुन जाते
आठवणीने तुझ्या चंद्र शहारतो अन चांदणीही मोहरुन जाते

नकळत कुठुनसा अल्लड वारा ओठी गीत तुझे गुणगुणत येतो
उगाचच रिकामटेकडा सैरावैरा पळून मात्र उरी घालमेल वाढवून जातो

आठवत नाही पण बराच वेळ मी नुसता एकाकी नि:शब्द बसलेला असतो
वेड्यापरी इथे येणार्‍या सगळ्या वाटेवरती तुझ्या पाउलखुणा शोधत असतो

रात्र चढता चढत जाते,मात्र तू काहि येत नाही
तुला न भेटता निघण्यास हे पाउल हि धजत नाही

तु न आलेली पाहून चांदणी ही आता हिरमुसली आहे
तिची ती घालमेल पाहुन पहाट वेशीवर विसावली आहे

दर रात्री या थडग्यावर बसून वाट मी तुझी पहातो आहे
"आता तरी भेटुन जा,सोडव मला" अशी आर्त विनवणी करतो आहे

तुझी वाट बघता बघता अजून एक रात्र विझुन जाते
तुझी वाट बघता बघता नेहमी मला असेच होते..........................................