पुन्हा एकदा प्रश्न

सध्या लगेच आठवतायत ती ही गाणी ,गोंधळ नाही पण भुपाळीपण नाहीये... देवीच्या भुपाळ्या पण नक्की असतील आठवल्या की लिहिते.

माय भवानी तुझे लेकरू कुशीत तुझिया येई
सेवा मानून घे आई.

गीतः सुधीर मोघे
संगीतः मीना खडीकर
स्वरः लता मंगेशकर
चित्रपट: शाबास सुनबाई

पाहुणी आली माझ्या घरी
अंबीका माया जगदीश्वरी

गीतः ग.दि.माड्गूळकर
संगीतः वसंत पवार
स्वरः सुमन कल्याणपूर
चित्रपटः मल्हारी मार्तंड

जय शारदे वागेश्वरी
गीतः शांता शेळके
संगीतःश्रीधर फडके
स्वरःआशा भोसले

अजून एक आठवतय पण नुसतीच दुसरी ओळ आहे...

ओटी आईची मोत्याने भरु ....

मागचं पुढच काहीच आठवत नाहीये.

माझा काहि या क्षेत्रातला अभास नाही, पण मला वाटते ते लिहितोय.
आपल्याकडे देवी, हि कायम मातेच्या रुपात पूजली जाते. (कन्याकुमारी आपल्याकडे नाही. )
गौर जरी माहेरवाशीण म्हणून येत असली, तरी ती गणपतिची आईच आहे.
तर आईला झोपेतून उठवायचे, हि कल्पनाच आपण करु शकत नाही. आई सदा जागृत असते. मुलासांठी जागत असते. मुलांच्यावर नजर ठेवून असते. त्याच्या अडल्या नडल्याला, दुखण्याखुपण्याला धावत जाते.
त्यामूळे ती कधी झोपत असेल, अशी कल्पनाच नसावी. कदाचित देवळात काकड आरती म्हणत असतील, पण शक्यतो देवीच्या आरत्या आणि स्त्रोत्रेच ऐकली आहेत.
अनेकवेळा, पहाटे पाच वाजता, कोल्हापूरच्या आंबाबाईच्या देवळात हजेरी लावली आहे, पण देवी जागीच असते.
नाही म्हणायला सोलापूरच्या भवानी मातेच्या देवळात, काहि दिवस, देवीला जागेवरुन हलवून, शय्येवर झोपवलेले असते. त्यावेळी तिचे दर्शन, फक्त आरश्यात घेता येते. कदाचित त्या देवीची भूपाळी असेल.

पावनेर गं मायेला करू, ओटी मायेची मोत्याने भरु
असे लताचे गाणे आहे, बहुदा शांता शेळके यानी लिहिलेले आहे.

रुणुझुणूत्या पाखरा, जा रे माझ्या माहेरा
आली गौराई अंगणी, तिला लिंबलोण करा

असे पण लताचे गाणे आहे.

दार उघड बये, दार उघड हे लोकगीत देवीला आळवण्यासाठी करतात.

शोनू, माझ्याकडे ५०० जीबीची हार्ड डिस्क आहे त्यात अनेक अनेक उत्तम उत्तम हिन्दी, मराठी, शास्त्र्यिय संगीतातील गाणी आहेत. इतकी गाणी आहेत की इतर कुठल्या साधनाची गरज भासत नाही मला. सगळी गाणी एकाच हार्डडिस्कमधे सापडतात. माझा एक मित्र आहे इथे शैलेश नावाचा तो अफाट संगीतप्रेमी आहे त्यानी दिलीत त्याच्याकडच्या संग्रहातील गाणी मला.

यु ट्युबवर सगळे उपलब्ध आहे... यु ट्युबवरुब फक्त ऑडिओ ट्रॅक कॉपी होऊ शकेल असे सोफ्टवेअरही आहे.

फक्त चित्रपटातीलच / ध्वनीमुद्रीत गाणीच हवी आहेत का?

तसे नसल्यास इथे बघा एकदा.