धो धो पाऊस
Posted
16 वर्ष ago
शेवटचा प्रतिसाद
16 वर्ष ago
21
दुधाळ काचेच्या तावदानातून
रप रप कोसळणार्या पावसाकडे
टक लावून पाहत असताना
मलाही माझ्या डोळयातलं आभाळ
रिकामं करून टाकावसं वाटतं..
पण ह्या आभाळासारखा
ढगांचा गडगडाट नको आहे,
विजांचा कडकडाट नको आहे,
पुर-वादळ-वार्याचं थैमान नको आहे...
भिती वाटते... भिती वाटते...
आपलं आभाळं कोसळताना
कुणालातरी ऐकू जाण्याची,
लख्ख उजेडात कुणीतरी
आपला चेहरा वाचण्याची,
कुणाचातरी आनंद त्यात
पुर्णपणे बुडून जाण्याची..
- बी
विषय:
प्रकार:
शेअर करा
आवडली
बी छान आहे रे कविता. डोळ्यासमोरच आली अगदी.
जमलं तर थोडं शुद्धलेखन बघ ना.
खरच छान
मनापासुन आवडली ही कविता. त्यातही २रं ३रं कडव जास्त आवडलं.
चांगली
आहे. दुसर्या कडव्यात दोन्ही ठिकानी ट हव त नाही.
संघमित्रा...
सर्वांचे धन्यवाद.
संघामित्रा, एक विनंती. जमत असेल तर पुढल्या वेळी मला लिखानातील चुका लक्षात आणून दे. मी जमेल तेवढे शुद्ध लिहिण्याचा नेहमी प्रयास करतो. तरी काही चुका टायपोपायी होतात तर काही चुका अज्ञानापायी होतात. पुढल्या वेळी तुझी आणि इतरांची मद्त मिळेल अशी अपेक्षा.
केदार धन्यवाद.
-बी
जमलं की
जमलं की रे!
थोडं शुद्धलेखनाकडे लक्ष दे की जमलंच.
छान!
शेवट
बी, चांगले लिहिलेस. शेवटचे कडवे विशेष आवडले.
छान!
आवडली कविता.. छान फ्लो आहे कवितेला..
कविता
कविता आवडली बी!
>>भिती वाटते...
आपलं आभाळं कोसळताना
कुणालातरी एकू जाण्याची,
लख्ख उजेडात कुणीतरी
आपला चेहरा वाचण्याची,
कुणाचातरी आनंद त्यात
बुडून जाण्याची..
खूप आतलं..
आवडली!
बी, कविता मस्त जमलीय...
भिती वाटते...
कवी बी, ऐकदम छान कविता, पहिल्या दोन कडव्यानंतरची भिती खरचं खुप समर्पक वाटते.
वाह..
छाण रे बी! आता कसं शहाण्यासारखं लिहिलंस..
क्या बात है बी
मस्तच!!!
जबरदस्त जमलीये..:)
छान!
बी आवडली कविता. छान आहे.
छान
कविता आवडली बी. छान लिहीली आहेस.
आवडली !
बी, कविता आवडली!
एकच सुचवावसं वाटतंय. 'रिकामं करून टाकावसं वाटतं' ह्या आधीच्या ओळीतला 'डोळ्यातील' आणि नंतर 'वार्यांचे' थैमान हे दोन पुस्तकी शब्द बोली भाषेत झाले तर वाचताना जास्त छान वाटेल.
-मृण्मयी
लिहिण्याची उर्मी कायम ठेवणार्या सर्वांना..
इतके सर्व अभिप्राय वाचून मन आनंदून गेल आहे. परत एकदा कवितेच्या नादी लागावसं वाटतं आहे...
मित्रान्नो तुम्हा सर्वांचे आभार मानावे तेवढे थोडेच वाटतात! धन्यवाद!!!!!!
सोपी अर्थपुर्ण!!!
आपला चेहरा वाचण्याची,
कुणाचातरी आनंद त्यात
पुर्णपणे बुडून जाण्याची..>>>ह्म्म गुड..
आवडली
कविता बी ...
वा! खासच
वा! खासच लिहिली आहेस.
मस्त रे बी,
मस्त रे बी, खरंच खुप छान!!!
स्नेहीमित
स्नेहीमित्रहो, तुम्हा सर्वांचे आभार.