(रोजच्याप्रमाणे)

(शरदराव, http://www.maayboli.com/node/14391 या सर्वसामान्य माणसाला माफी असू द्या. )

प्यालो चहाच आज मी, रोजच्याप्रमाणे..
तोंडास पोळलेच मी, रोजच्याप्रमाणे!

गेली सुटून रेलही, रोजच्याप्रमाणे,
दुसरीस लटकलो परी, रोजच्याप्रमाणे!

भंगार, फालतू , रडी, शेअरींग टॅक्सी,
पंक्चरली मधेच ती, रोजच्याप्रमाणे!

घायाळ जाहलो किती, लेटमार्क बघता
अर्धा पगार लाटला, रोजच्याप्रमाणे!

ठाऊक हे असे मला, कलिग तो रजेवर,
फाईलच्या ढिगात मी, रोजच्याप्रमाणे!

होणार तेच व्हायचे, चुकला उशीर ना,
चिडते घरात बायको, रोजच्याप्रमाणे

खपतो सकाळ सांज मी, गाढव खरच बरा,
ओझे उशीस ना तया, रोजच्याप्रमाणे