पानोपानी

Submitted by samurai on 12 March, 2008 - 10:24

उधळला मी डाव का? ते आठवे फिरुनी मला,
निश्चयाची ती उतारी मज कळे चुकली पुन्हा

दोन आले चार गेले , हात हाती मोजता,
मिळ्वण्यातिल ती गुलामी घातकी ठरली आता

हाय ! झाला आज एक्का , हुकुम असुनी एकटा,
एकट्याची शून्य किम्मत नेमकी दिसली आता

'डाव सरला' ते म्हणाले, मीच हरलो तेव्हढा,
मिसळुनी पानांत पाने, हार मी पिसली आता

डाव येती - डाव जाती , जाणिले पुरते पुन्हा,
धुर्ततेची नेक खेळी आतुनी रुजली आता

गुलमोहर: 
कविता
शेअर करा

'डाव सरला' ते म्हणाले, मीच हरलो तेव्हढा,
मिसळुनी पानांत पाने, हार मी पिसली आता

डाव येती - डाव जाती , जाणिले पुरते पुन्हा,
धुर्ततेची नेक खेळी आतुनी रुजली आता

सुंदर... और एक दावं हो जाये...

Submitted by सत्यजित on 13 March, 2008 - 01:34