समान संधी मध्ये आजच्या
मी पुरुष बिच्चारा
बस मध्ये चढलो
अन रीकामी लेडिज सीट दिसली तरी
लोंबकळतो तेथेच मी
वाटल्यास कंडक्टरला विच्चारा
ताटकळत लाईन मध्ये उभा रहातो
धक्का तीचा लागतो, पण
विनाकारण ' लाईनमन' होऊन
मार मला खावा लागतो
काय करणार मी पुरुष बिच्चारा
वाटत अस्स उठाव अन
निवडून यावं आपण
नियम समान करावेत
स्त्री पुरुषांसाठीचे, पण
नेमके तेंव्हा तिथले सीट
स्त्री साठी राखीव असते
काय करणार मी पुरुष बिच्चारा
नियम समजावून घ्यावेत सगळे म्हणून
लॉ ला ऍडमीशन घ्यावी म्हंटले
फ़ॉर्म ही भरला, पण
नियमानेच गळा कापला
३० % लेडिज reserved म्हणून
आमचा नंबर waiting list ला गेला
काय करणार मी पुरुष बिच्चारा
तरी एकदा बघा सभेत
मी मलाच बिच्चारा म्हंटलो
तर पहातो काय
स्त्रीयांचा हंडा मोर्चा
अंगावर धावून आला
कारण काय म्हणे तर
अबले पणावर त्यांच्या
आम्ही घाला घातला
आता कसले काय
घरातला हंडा ही
सावधानतेने घेतो
नळाखाली हळूच लावून गपचुप
लोकमत ची सखी अन
सकाळ ची मैत्रीण वाचत बसतो
काय करणार मी पुरुष बिच्चारा
-------- गणेशा
हा हा
लई वाईट झाल बघा जगताप भाऊ... कायतरी कराया पायजेल... ये क्या हाल बना रखा है...!
ह्म्म्म्म्म्म्म्म्म्म
अरेरे, गरीब बिच्चारे पुरूष, काय हाल होताहेत त्यांचे.... अगदी पेपर काढणारे पुरूष संपादकही विशेष पुरवण्या मात्र स्त्रियांसाठी काढतात..
स्त्री समानतेच्या नावाने गळा काढणा-या (आणि मायबोलीकर नसणा-या) लोकांनो, जरा या इकडे आणि पहा, बिचा-या पुरूषांचे काय हाल होताहेत ते. अगदी तोंड दाबून बुक्क्यांचा मार असा प्रकार चाललाय..
गणेशराव, येतील, येतील, तुमचेही दिवस येतील बरे... ७०% भाग तुमच्यासाठीच राखीव आहे.
साधना...
पुरुषजन्मा ही तुझी कहाणी
सही जमले ...
पुरुषजन्मा ही तुझी कहाणी....