Submitted by दाद on 27 February, 2008 - 22:42
पाऊस म्हणजे...
पाऊस म्हणजे कोंदलेलं निळेपण
गोर्या विजूने भारला, घनघन श्यामघन
पाऊस म्हणजे गाली टिचकीची खूण
मग मोतिया शिंपण, हरखून हरखून
पाऊस म्हणजे ओली मेंदी, ओले मन,
अन भिजण्या, ओढून संगे नेलेला साजण
पाऊस म्हणजे भाळी थेंब थेंब लेणे
खुसू खुसू खळीतली, लाज हळूच टिपणे
पाऊस म्हणजे शब्द-सुरांचा रूजवा
आभाळातल्या गाण्यांचा रानभर शिडकावा
पालवुन ओठी यावा रानमंत्रांचा तरवा,
ऋचा कोवळ्या पोपटी, वेद हिरवा बरवा.....
-- शलाका
(सिडनीत पाऊस अगदी वेड्या वेड्यासारखा वागतोय.... अगदी याक्षणीही)
गुलमोहर:
शेअर करा
ऋचा कोवळ्या पोपटी, वेद हिरवा
ऋचा कोवळ्या पोपटी, वेद हिरवा बरवा....>>>>
तुझं सगळंच कसं अफ़ाट असतं बघ दाद...!
पाऊस म्हणजे शब्द-सुरांचा
पाऊस म्हणजे शब्द-सुरांचा रूजवा
आभाळातल्या गाण्यांचा रानभर शिडकावा
पालवुन ओठी यावा रानमंत्रांचा तरवा,
ऋचा कोवळ्या पोपटी, वेद हिरवा बरवा.....
क्या बात है!!
दाद, पावसात भिजायला लावणारी
दाद, पावसात भिजायला लावणारी कविता,
नेहमीप्रमाणेच सुंदर, सुरेख, अप्रतिम !!!!!!!!
प्रतिसादातल्या रचना/कविताही
प्रतिसादातल्या रचना/कविताही भारीचेत .....
पाउस म्हणजे मोतिया शिंपण....
पाउस म्हणजे मोतिया शिंपण.... अहाहा!
सगळ्याच उपमा सुंदर आहेत!
Pages