मधाळसा हसेन मी...

Submitted by niraj_kulkarni on 26 February, 2008 - 23:28

मधाळसा हसेन मी... ( गझल )

तुझ्याच आठवांतला, खुमार हा जगेन मी...
उदास पापण्यांतुनी, मधाळसा हसेन मी...

भुलावणे तुला सखे, मला न शक्य व्हायचे;
तुझा सुगंध लाघवी, मनामधे जपेन मी...

निरोप घेतला जरी, करू नकोस काळजी;
तुझ्याच आरशामधे, तुलाच आढळेन मी...

जसा तुझ्यात गुंतलो, पुन्हा तसे न गुंतणे;
असा ठराव मांडला, अखंड राबवेन मी...

नको मनास चंद्रमा, नकोत चांदण्या मला;
तमोमयी नभात या, असाच बागडेन मी...

स्वतःस भासतो अता, उगाच मी अनोळखी;
कधी मलाच पाहुनी, सलाम ही करेन मी...

कशास लावला लळा? नकोस सावरू मला!
मलूल लोचनांतुनी, हळूच पाघळेन मी...

कठोर घाव घालणे, स्वभाव जाहला तुझा!
उरात घालता सुरा, सुखासुखी मरेन मी...

'कलिंदनंदिनी' सखे, मनास वृत्त भावले;
'लगा लगा' च चारदा, गझल अशी रचेन मी...

- निरज कुलकर्णी.

वृत्त - कलिंदनंदिनी

गण - लगालगा लगालगा लगालगा लगालगा

मात्रा - २४

गुलमोहर: 

मधाळसा हसेन.. व्वा!
ठराव राबवणे.. मस्त कल्पना आहे.
कलिंदनंदिनी छान समजावलात.

मेघा

खूप छान आहे हा शब्द. त्या एका शब्दावर मी लुब्ध झालो.

वा.. क्या बात है.. बहोत खुब..
- अनिलभाई

निरोप घेतला जरी, करू नकोस काळजी;
तुझ्याच आरशामधे, तुलाच आढळेन मी...

जसा तुझ्यात गुंतलो, पुन्हा तसे न गुंतणे;
असा ठराव मांडला, अखंड राबवेन मी...

वाचून तबियत खुश झाली...

जसा तुझ्यात गुंतलो, पुन्हा तसे न गुंतणे;
असा ठराव मांडला, अखंड राबवेन मी...

नको मनास चंद्रमा, नकोत चांदण्या मला;
तमोमयी नभात या, असाच बागडेन मी...

स्वतःस भासतो अता, उगाच मी अनोळखी;
कधी मलाच पाहुनी, सलाम ही करेन मी...

हे शेर छानच!

कठोर घाव घालणे, स्वभाव जाहला तुझा!
उरात घालता सुरा, सुखासुखी मरेन मी...

'कलिंदनंदिनी' सखे, मनास वृत्त भावले;
'लगा लगा' च चारदा, गझल अशी रचेन मी...

सहीसहीच!

निरोप घेतला जरी, करू नकोस काळजी;
तुझ्याच आरशामधे, तुलाच आढळेन मी...

>> लाजवाब.. मस्त आहेत या ओळी

जसा तुझ्यात गुंतलो, पुन्हा तसे न गुंतणे;
असा ठराव मांडला, अखंड राबवेन मी...

स्वतःस भासतो अता, उगाच मी अनोळखी;
कधी मलाच पाहुनी, सलाम ही करेन मी...

>>>> मस्तच.. गझल एकदम सहज आली आहे.. मस्त लय आहे

निरज भाई,
<<कशास लावला लळा? नकोस सावरू मला!
मलूल लोचनांतुनी, हळूच पाघळेन मी...>>
खुप आवडली आपली गझल!!!

आईशप्पथ !!

काय सहजता आहे रे सर्वच्या सर्व शेरांमधे !! ऑर्कूटवर याआघी कुठेतरी वाचली होती आणि तेव्हांच तुझे नांव ऐकले होते.

मधाळसा हसेन मी

काय लाईन आहे...पोरी मरत असतील लेका तुझ्यावर !!

निरोप घेतला जरी, करू नकोस काळजी;
तुझ्याच आरशामधे, तुलाच आढळेन मी...

स्वतःस भासतो अता, उगाच मी अनोळखी;
कधी मलाच पाहुनी, सलाम ही करेन मी...

छान.

निरकुल.. बढिया गझल..:)
जसा तुझ्यात गुंतलो, पुन्हा तसे न गुंतणे;
असा ठराव मांडला, अखंड राबवेन मी...

स्वतःस भासतो अता, उगाच मी अनोळखी;
कधी मलाच पाहुनी, सलाम ही करेन मी...

जास्त आवडले..:)

नको मनास चंद्रमा, नकोत चांदण्या मला;
तमोमयी नभात या, असाच बागडेन मी..
.
अगदी आवडले.
छान आहे गझल Happy

निरोप घेतला जरी, करू नकोस काळजी;
तुझ्याच आरशामधे, तुलाच आढळेन मी...

जसा तुझ्यात गुंतलो, पुन्हा तसे न गुंतणे;
असा ठराव मांडला, अखंड राबवेन मी...

>>> वाह क्या बात है....

व्वा! छान! हल्ली कविता प्रांत पूर्ण सोडलेला.. पण नवर्‍यानं ही "Too good" आहे, वाचच म्हणून आग्रह केला, म्हणून आले. खरच छान आहे..

नारीमारक कि काय म्हणतात ना तसं हसून बघायचा खूप वेळा प्रयत्न करून बघितला पण ते खूपच भीषण हास्य होतं असं आता बायको सांगते...

त्या वेळी जर ही गझल मिळाली असती तर...?

एकदम झकास रे

नारीमारक कि काय म्हणतात ना तसं हसून बघायचा खूप वेळा प्रयत्न करून बघितला पण ते खूपच भीषण हास्य होतं असं आता बायको सांगते...

त्या वेळी जर ही गझल मिळाली असती तर...?

एकदम झकास रे

निरोप घेतला जरी, करू नकोस काळजी;
तुझ्याच आरशामधे, तुलाच आढळेन मी...

जसा तुझ्यात गुंतलो, पुन्हा तसे न गुंतणे;
असा ठराव मांडला, अखंड राबवेन मी...

नको मनास चंद्रमा, नकोत चांदण्या मला;
तमोमयी नभात या, असाच बागडेन मी...>> केवळ अप्रतिम.

:-))

Pages