सेंट्रल, वेस्टर्न आणि आपण

सकाळचे ८ वाजले की मी घरुन ऑफिसला जाण्यासाठी निघतो. बरोबर ८.१५ मिनिटांनी मी पनवेल स्टेशनवर पोहोचतो. तेव्हा तिथे एक गाडी सुटण्याच्या तयारीत असते. आणि दुसरी गाडी येण्याच्या तयारीत. एंडिकेटरवर ८.२४ च्या सी. एस. टी लोकलची खूण...

थोडा अव़काश असल्यामुळे मी स्टेशनवर 'तिची' वाट पाहत असतो... घड्याळात ८.१७ मिनिटे होतात...बरोबर याच वेळेला तिचे आगमन होते...ती लांबुन दिसली की माझ्या चेहर्‍यावर हासु येत. पण ती हासत नाही..अजुन तशी ओळख नाही ना. बरोबर ठरल्यावेळत ८.२४ला गाडी सुटते..........मी कुर्ल्याला उतरतो तिला सी. एस. टीला जायचे असते.

९.१० मिनिटे कुर्ला स्टेशन....एंडीकेटरवर ९.१० मिनिटाच्या सी. एस. टी लोकलची खूण..मी उतरुन मेन लाईनच्या प्लॅटफार्म ३ वर येतो......एंडीकेटर ९.०६ मिनिटाची सी.एस्.टी. लोकलची खूण असते...घड्याळ्यात ९.१५ झालेले असतात्..तेवढ्यावेळेत हार्बर लाईन वरुन एक गाडी जाऊन दुसर्‍या गाडीची अनाउंसमेन्ट चालु असते. घड्याळ्यात ९.२० होतात. तेव्हा ९.०६ मिनिटाच्या लोकलचे आगमन्..

९.३२ मिनिटे मी दादर स्टेशन...
९.२५ मिनिटांची गोरेगांव येण्याचे संकेत ऐकु येतात. त्या लोकलचा फायदा नाही म्हणून मी आरामात जातो..कारण ती लोकल अंधेरीला थांबत नाही..पुढे घड्याळ्यात ९.३६ मिनिटे होतात... तेव्हा ९.२८ मिनिटांच्या अंधेरी लोकलचे दादर स्टेशनवर आगमन. पुढे याच गाडीला अंधेरीजवळ सिग्नल ठरलेला...तिथे ती ७-८ मिनिटे तरी थांबणार्..बरोबर १०.०५ मिनिटांनी अंधेरी स्टेशन..

पुढे बसस्टॉपवर मी लेट आल्यामुळे सतत विचारणा. मी कारण देताच.."अरे तुझ्या 'तीच' रोजचेच असते" माझा समजावण्याचा केविलवाणा पयत्न त्यावर त्यांचे हसुन स्वागत..पण त्यांची मेजॉरीटी जास्त त्यामुळे माझी हार ठरलेली..

संभ्रमात पडलात????????
अहो 'ती' म्हणजे कोणी मुलगी नाही..'हार्बर लोकल' आहे.

लोक सतत तिला डागण्या देत असतात. पण मला आजतागायत हार्बर लाईन मुळे कधी उशीर झाला नाही..पण मेन लाईन आणि वेस्टर्न लाईनचे असे टाईमटेबल रोजच पहायला मिळते.
उलट हार्बर लाईनचा प्रवास सुसह्य वाटतो. नवी मुंबईतील मोठी आणि स्वच्छ स्टेशन्स्...प्लॅटफॉर्मवर दोन्ही बाजुला उतरण्याची सोय्..आणि तुलनेने कमी गर्दी..हार्बर लाईनच्या गाड्याही मला तुलनेने वेळेवर येताना दिसतात.
आता फास्ट लोकलचे कारण द्याल तर सिग्नल घेत घेत धावणार्‍या फास्ट लोकलपेक्षा विना अडथळा धावणारी स्लो लोकल चांगलीच की...तरीही लोकांना हार्बर लोकलची चीड का??? हे एक कोडेच आहे.
हार्बर लोकलचा प्रवास म्हणजे जणू दिव्यच्..असे वर्षानुवर्षे लोकांच्या मनात घर करुन बसले आहे. आणि लोकांनी त्याची धास्तीच घेतली आहे.

मी खूप वेळा असे पेपरमधे वाचतो. मुख्यत्वे पावसाळ्यात. 'वेस्टर्न लाईनच्या लोकल लेट आहेत्'..'मेन लाईनच्या लोकल रखडत रखडत चालल्या आहेत' आणि 'हार्बर लाईन तर कधीच कोलमडून पडली आहे'. पण मला ते कोलमडणे कसे दिसले नाही? किंवा दरवेळेला मी पोहोचल्यानंतरच ती कोलमडते का?? उलट पावसाळ्यात हार्बर लाईनच्या गाड्या मेन लाईन आणी वेस्टर्नलाईनच्या तुलनेत बर्‍यापैकी धावतात्..पण लोकांच्या मनात अस का कोरल जात ते मला अजुन कळलेल नाही..

मला टीका करायची नसुन हेच सांगायचे आहे की वेस्टर्न, मेन लाईन पेक्षा हार्बर लाईनचा प्रवास खूप सुसह्य आहे. पण असे असूनही हार्बर लाईनची थट्टा का होते ते मला कळत नाही म्हणूनच हा खटाटोप.