"चित्रचारोळी क्र.८"

Submitted by संयोजक on 24 September, 2015 - 01:59

असं म्हणतात की, चारोळी हा कवितेतला सर्वांत सोपा प्रकार आहे. एका लयीत बसणार्‍या चार ओळी जमवा, 'र'ला 'र', 'ट'ला 'ट' करत दोन यमके जुळवा अन् झाली की चारोळी तयार.
स्मित

पण जातिवंत चारोळी अर्थवाही असते. कमीत कमी शब्दांत अचूक आशय पोहोचवायचा म्हणजे खायचं काम नाही.
खरं म्हणजे चारोळी हे नेमक्या शब्दांत केलेलं 'मार्मिक' भाष्य! कुठल्याही ओळी जेव्हा मनात जन्म घेत असतात तेव्हा त्यामागे एक कल्पनाचित्र असतं. त्या चित्राचा अर्थ उमगत जातो तसा तसा एक आशय जन्म घेतो आणि मग त्याला शब्दांची महिरप चढवली जाते.

आता समजा या कल्पनाचित्राच्या ऐवजी एक प्रकाशचित्र दिलं आणि 'रचा' म्हटलं चार ओळी तर? सोप्पं आहे ना?
तुम्हांला फक्त एवढंच करायचंय, एरवी तुमच्याभोवती पिंगा घालत बसणार्‍या, पण गरज असते तेव्हा गाव भटकायला जाणार्‍या शब्दांना हुडकून आणून एकेका ओळीत अचूक बसवायचंय!

तुमच्यासाठी हे अवघड नाहीये... एरवी बिनविषयाच्या विषयावरसुद्धा चारोळ्यांचे रतीब घालतो आपण. डोळा मारा इथेतर विषय तुमच्यासमोर मूर्तिमंत उभा आहे!

तुमच्यासारख्या चारोळीकारांना काही नियम लावणं बरोबर नाही, पण काही किमान अपेक्षा आहेत!

१) चारोळीचा विषय प्रकाशचित्राला धरूनच असावा.
२) शब्दमर्यादा नसली तरी ओळीमर्यादा पाळावी.
३) एका आयडीला कितीही चारोळ्या लिहिता येतील. फक्त त्या वेगवेगळ्या पोस्टमध्ये पोस्ट कराव्यात.
४) दरदिवशी एक नवीन चित्र देण्यात येईल.
५) तुम्हाला तुमच्या आवडत्या चारोळीला 'लाइक' करायची सोय दिलेली आहे.
६) ही स्पर्धा नाही, एक खेळ आहे.

तर होऊन जाऊ द्या.... छायाप्रकाशाच्या चित्रलिपीला लेखणीच्या शब्दलिपीचा इंगा दावा!

आजचे चित्र:Slide8.JPG

Group content visibility: 
Public - accessible to all site users

आई ,मी कधीतरी तूझं कोकरू होऊन

आई ,मी कधीतरी तूझं कोकरू होऊन येईन
दुडकत दुडकत माळरानी मी जाईन
गळयात माझ्या रंगेबेरंगी घातली असेल माळ
कळेल का तुला मी ते तुझच सोनुबाळ?

मला तर बडबड गीत सुचत आहे.

चला चला दुडु दुडु दुडु
झाडाची पाने आपण सारे खुडु
गवत आहे हिरवेगार
मज्जाच आपली आहे फार!

सर्वांना धन्यवाद !!!बाकी सर्वांच्या सुध्दा खूप आवडल्या. आशिका,चंबु अगदी वास्तववादी !

खाऊ किती ते गवत हिरवे,
मला कुठे कुणा दुध द्यायचे?
दिसला मज तो नविन पाला
असेल का तो चविष्ट न्यारा? Happy

कोवळे लुसलुशीत गवत.. आज माझ्याचसाठी
आज मिळेल खायला... उद्याचे सांगत नाही...
कोणी सांगावे उद्या बांधेल ही इथे इमारत...
स्वार्थी माणसांचा कसा तो भरवसा राहीला नाही..!

गळ्यात माझ्या तिरंग्याचे रंग
भारतभू मला प्रिय
पुढ्यात माझ्या निसर्गाचे रंग
गवत-पाला अजूनच प्रिय!

मला चष्मा लागलाच नाही अजून.

मला ते स्तन दिसत होते म्हणून मी बकरी लिहिले.

आणी मी अन्य चारोळय पण लिहिल्या आहेत. त्यावर लिहा.