"चित्रचारोळी क्र.२"

Submitted by संयोजक on 17 September, 2015 - 13:28

असं म्हणतात की, चारोळी हा कवितेतला सर्वांत सोपा प्रकार आहे. एका लयीत बसणार्‍या चार ओळी जमवा, 'र'ला 'र', 'ट'ला 'ट' करत दोन यमके जुळवा अन् झाली की चारोळी तयार.
स्मित
पण जातिवंत चारोळी अर्थवाही असते. कमीत कमी शब्दांत अचूक आशय पोहोचवायचा म्हणजे खायचं काम नाही.
खरं म्हणजे चारोळी हे नेमक्या शब्दांत केलेलं 'मार्मिक' भाष्य! कुठल्याही ओळी जेव्हा मनात जन्म घेत असतात तेव्हा त्यामागे एक कल्पनाचित्र असतं. त्या चित्राचा अर्थ उमगत जातो तसा तसा एक आशय जन्म घेतो आणि मग त्याला शब्दांची महिरप चढवली जाते.

आता समजा या कल्पनाचित्राच्या ऐवजी एक प्रकाशचित्र दिलं आणि 'रचा' म्हटलं चार ओळी तर? सोप्पं आहे ना?
तुम्हांला फक्त एवढंच करायचंय, एरवी तुमच्याभोवती पिंगा घालत बसणार्‍या, पण गरज असते तेव्हा गाव भटकायला जाणार्‍या शब्दांना हुडकून आणून एकेका ओळीत अचूक बसवायचंय!

तुमच्यासाठी हे अवघड नाहीये... एरवी बिनविषयाच्या विषयावरसुद्धा चारोळ्यांचे रतीब घालतो आपण. डोळा मारा इथेतर विषय तुमच्यासमोर मूर्तिमंत उभा आहे!

तुमच्यासारख्या चारोळीकारांना काही नियम लावणं बरोबर नाही, पण काही किमान अपेक्षा आहेत!

१) चारोळीचा विषय प्रकाशचित्राला धरूनच असावा.
२) शब्दमर्यादा नसली तरी ओळीमर्यादा पाळावी.
३) एका आयडीला कितीही चारोळ्या लिहिता येतील. फक्त त्या वेगवेगळ्या पोस्टमध्ये पोस्ट कराव्यात.
४) दरदिवशी एक नवीन चित्र देण्यात येईल.
५) तुम्हाला तुमच्या आवडत्या चारोळीला 'लाइक' करायची सोय दिलेली आहे.
६) ही स्पर्धा नाही, एक खेळ आहे.

तर होऊन जाऊ द्या.... छायाप्रकाशाच्या चित्रलिपीला लेखणीच्या शब्दलिपीचा इंगा दावा!

आजचे चित्र:
Slide1_0.JPG

Group content visibility: 
Public - accessible to all site users

डोळे थकले, पायही थकले
वाट पाहतो थकला जीव
कासावीस मी जाण्या मुक्कामी
एस्टीमाते आता तरी धाव

आठवं!! कधी काळी ह्याच वाटेवर
आपण दोघे खेळलो-कुदलो होतो
भविष्याला कधीही न घाबरता
प्रत्येक क्षणाला उपभोगल होतं!

झाला पॅकअप, उतरवू आता मेकअप
भूमिकेतून दोघे बाहेर येऊ
फ्रेश होऊन, सिगारेट शिलगावून
नेहमीच्या बारमध्ये जाऊ

चल उठ मित्रा नको कंटाळा करु
ह्या काठीची गुल्लेर बनवून
पाठीमागच्या झाडावरच्या
गाभुळलेल्या चिंचा पाडू Happy

तसे केव्हाच सरले बहर

तसे केव्हाच सरले बहर हिरवे
वठाया लागली ही अंगकाठी
तरी रस्ता फुटे रस्त्यास तोवर
अखंडित चालणे आहे ललाटी

(दादोबाची बकरी हरवलीय, म्हातार्‍या गड्याला घेऊन तो शोधतोय Happy )
दादोबा दादोबा नको रे बा..
संग तूझ्या ना येणार बा
चालता चालता दुपार टळली
तरी न दिसते तुझी ती बकरी.. !

(राजकुमार मोड ऑन)
जानी (मोड ऑफ) माझी पोर चार बुका शिकली
टेचात उभा राहुन मी सेल्फी आज ठोकली
गड्या तुझ्या लेकीला शाळंत का नाही घातली
चिंतामणी झाला तुझा कंबर पण वाकली.

सगळ्यांच्याच चारोळ्या भारी
चंबू..... बकरी Wink
बी.... गुल्लेरचे ऑब्झर्वेशन भारी!
स्वाती कमाल!

दोघांनी कापले सारखेच अंतर, वाटा जरी निराळ्या
वाटचालीच्या खुणा त्यांच्या अंगावर विसावल्या
एक अजूनही ताठ, दुजा जरा थकलेला
पोचणार दोघे एकाच धामी, पल्याडल्या.

बगुनाना बगुनाना बगताय काय
"ती" फटाकडी परतून येईल काय ?
लाडात येऊन उल्लू बनवून
पाकिट मारून पळाली की वं माय !!

Happy